​Эдир экологууд ажалаа харуулаа

Ородой Холбоото Уласай нэмэлтэ һуралсалай болон юннатнуудай хүдэлөөнэй байгуулагдаһаар 100 жэлэй ойн баярта зорюулагдажа, Улаан-Үдэ хотын Советскэ хороогой Хүүгэдэй уран бүтээлэй түбэй дэргэдэхи экологи ба биологиин түбэй һурагшад интерактивна талмай ябуулаа.

Эхэ байгаалияа хамгаалгын шэглэлээр дүршэлтэ хэшээлнүүд эмхидхэгдээ. Багшанар Светлана Дондокова, Марина Донирова гэгшэд гэртээ сэсэгүүдые яагаад ургуулха тухай хөөрөө дэлгээ. “Амиды амитад болон ургамалнуудые хэр мэдэхэбта” гэһэн наада Раджана Рыгзынова эрхилжэ, үхибүүдые һонирхуулаа. Эндэ багахан зоопарк табигдажа, үхибүүд болон гэртэхин гэрэл зурагуудаа буулгаа. Һайн дуранай эдэбхитэд ойн түймэрнүүдые һэргылгын болон һайн дуранай үүсхэл тухай интерактивна хэшээлнүүдые ябуулаа. Энэ хэмжээндэ Улаан-Үдэ хотын болон Буряад Уласай 14 аймагай һурагшад хабаадуулагдаа.

Буряад Уласай Болбосоролой болон эрдэм ухаанай яаманай мэдээсэлэй албанай гэрэл зураг