​​Улаан-Үдэдэ дулаагаар хангалгын хаһа хэр үнгэргэгдэнэб?

Улаан-Үдэ хотын гэр байрануудта халуун уһа болон дулаа дамжуулгада бүхыдөө 1,1 миллиард мүнгэн һомологдоһон байна. Энээн тухай Улаан-Үдэ хотын ажахын хорооной түрүүлэгшэ Константин Мошковский албанай суглаанда хэлэбэ.

Дулаагаар хангалгын хаһада бэлэдхэлдэ 1,1 миллиард мүнгэн һомологдоһон байна. Энэнь хадаа нёдондонойхидо орходоо, 14 хубяар ехэ. Улаан-Үдын элшэ хүсэнэй комплекс 33 котельнинүүдтэ заһабарилгын ажал ябуулһан байна. Тэрэнэй 15-да ехэ заһабари хэгдээ.

Тиихэдэ «Горсвет» гэһэн эмхи 45 модоной зайн галай утаһанууд заһабарилаа. Заһабарилгын ажалнууд хэгдэбэшье, халуун уһа, дулаа дамжуулдаг сорго хэрэгсэлнүүд хуушаржал байна гэжэ Константин Мотковский тэмдэглээ.

Уһанай һужаануудые хүгжөөлгэдэ 4 миллиард түхэриг хэрэгтэй. Тиимэһээ энэ талаар ажалнуудые үндэһэтэнэй түсэлдэ оруулха тухай хотын захиргаан дурадхал оруулаа.