​​Буряадай Сотниково тосхондо соёлой ордон баригдаха

Ерэхэ 2019 ондо Ивалга аймагай Сотниково тосхондо соёлой шэнэ ордон баригдаха юм. Энэ асуудал 2015 онһоо шиидхэгдэнэ. Соёлой шэнэ байшан бариха талаар элдэб һанамжанууд дурадхагдаа. Тиигэжэ болбосон түхэлтэй болгогдоһон байшан худалдажа абаха гэһэн шиидхэбэри Буряад Уласай Засагай газарай Түрүүлэгшын орлогшо Игорь Шутенковэй хүтэлбэри доро үнгэргэгдэһэн нүүдэл суглаанда абтаа. Тус байшанда номой сан, 200 зониие багтааха харагшадай танхим ба элдэб секци, кружогуудые үнгэргэхэ таһагууд бүридхэгдэхэ юм.

Буряад уласай соёлой сайд Соёлма Дагаевагай тэмдэглэһээр, Сотниково тосхондо соёлой байшан баригдажа эхилһэн байгаа. Теэд барилга дүүргэнгүй, байшан худалдагдаа.

2019 оной түрүүшын хахадта соёлой байшан ашаглалгада тушаагдаха гэжэ түсэблэгдэнэ. Заһабарилгын ажалда нютагай засагай байгууламжын болон уласай бюджедүүдһээ мүнгэн һомологдохо.