​​Үнгэрэгшэ жэлэй тоо баримтанууд

Шэнэ жэлэй бэлэг

Шэнэ жэлнай шэнхинэн ерэхэеэ байна. Эгээл тиимэһээ заримашуул эртээнһээ бэлэг сэлэгүүдые бэлдэжэ эхилэнхэй. Ажал бэдэ¬рэлгын Super Job хэрэгсэл шэнжэлгэ хэжэ, 10 мянган зонһоо асуужа, иимэ тоо баримтануудые тунхаглаа:

Алинь аюулгүйб?

Ородой Холбоото Уласай дэбисхэртэ болоһон аюулта ушарнуудай бүридхэлөөр энэ тоо барим­танууд багсаагдаа.

Аюултай унаа:

Вертолёт 9,4

Хотонууд хоорондын автобус 2,84

Уһанай унаа 2,3

Аюулгүй унаа:

Трамвай 0,04

Троллейбус 0,09

Поезд 0,17

Урилдаа үүсхэгшэд

Ородой Холбоото Уласай Эдэй засагай яаманай мэдээсэһээр, урилдаа үүсхэһэн оршон байдалтай можо нютагууд сооһоо Буряад Улас нёдондонойнгоо 59-дэхи һууриһаа 39-дэхидэ үргэгдэбэ. Түрүүшүүлэй тоодо Татарстан, Москвагай можо болон Москва хото ороно. Тиихэдэ Хальмаг Улас, Твериин болон Эрхүү можонууд эгээл хойгуур һүүл барина.

«Соорхой хармаан»

Россиин ажаһуугшадай хадагалһан мүнгэн хаанаашье хүрэнгүй хорожол байһаар. Шэн­жэлэгшэдэй мэдээгээр, хармаандаа “хан” гэхэ хашарһаяа олонхи зон аянда гарахаяа гү, али гэнтын хэрэгтэ баряад байна. Саяһаа үлүүтэй ажаһуугшадтай томо хотонуудта хүн зоной ха­хадынь һара бүриин салинһаа 10 хубииень хадагалжа шадана. Харин 7 хуби зон лэ олзо оршынгоо хахадыень хадагалхаар арга бо­ломжотой. Урда жэлдэ орходоо, иимэ “сүлөө” мүнгэтэйшүүлэй тоо 2,2 процентээр доошолоо. Олонхиной «хармаан» дотор 22 мянган түхэриг хадагалаатай.

Эгээл элүүрынь элирээ

Архиин хородо тунаһан Россиин можо нютагуудые ВГТРК элирүүлээ. Тиихэдээ гол түлэб зургаан талыень хараалаа: архиһаа боложо, наһа бараһан зоной тоо, үлбэр бэетэй болоһон зоной тоо, һогтуугаар хэгдэһэн хуули бусын ябадалай тоо, худалдаһан архиин тоо, худалдаанай хуули эбдэһэн ушарнуудай тоо, архи хориһон хуулинуудай тоо. Хойто Кавказай можо нютагуудта архиншадай тоо тон бага байна. Москва хото - 19-дэхи, Санкт-Петербург хото 26-дахи һууринуудта гараа. Харин Буряад орон 85 можо нютагуудай дунда 79-дэхи һуури эзэлнэ.

Харгы хүндэлэн гарахадаа

“Хэбтэһэн сагдаанууд” дээгүүр харгы хүндэлэн гарадаг болгохо тухай Ородой Холбоото Уласай Унаа тээбэриин яаман дурадхаа. Юундэб гэхэдэ, байгша ондо ябагаар харгы хүндэлэн гарадаг тусхай газарнуудта аюулнууд олоор ушараа: Россида аяар 600 хүн наһа бараһан, 12 мянган хүн гэмтэһэн байна.