Ородой Холбоото Уласай бүхы можо нютагуудай 50 мянган хүрэтэр ажаһуугшадтай бага хотонууд болон һууринууд Бүхэроссиин мүрысөөндэ хабаадаха аргатай.
2019 оной январиин 15-һаа хойшо Геннадий, Елена Тимченкотнай буян үйлэдэлгын жасын ниигэмэй-соёлой түсэлнүүдэй «Культурная мозаика малых городов и сёл» гэһэн Бүхэроссиин мүрысөөн эхилһэн байна.
Ород гүрэнэй хүдөө нютагуудта ниигэмэй-соёлой эдэбхи үүсхэл дэмжэхэ зорилготой «Культурная мозаика малых городов и сёл» гэһэн федеральна программа бэелүүлэгдэнэ. Бага хотонуудые, хүдөө нютагуудые хүгжөөхэ, эдэбхижүүлхэ зорилго энэ программада бэелүүлэгдэнэ.
«Культурная мозаика малых городов и сёл» гэһэн Бүхэроссиин мүрысөөндэ хабаадаха гэбэл, мартын 4 болотор мэдүүлгэнүүдые оруулха хэрэгттэй. Мүрысөөнэй хахад финалда хабаадагшад мэргэжэлтэ шүүбэришэдэй зүблөөндэ мартын 27-до элирүүлэгдэхэ. Саашадаа тэдэнэр ниигэмэй-соёлой түсэлнүүдээ гуримшуулха, болбосоруулха семинарнуудта һуралсал гараха юм. Бүхэроссиин мүрысөөнэй илагшад майн 15-да соносхогдохо гэжэ түсэблэгдэнхэй.
Мүрысөөндэ хабаадаха гурим, тобшо мэдээсэл абаха гэбэл, Сибириин болон Алас Дурна зүгэй федеральна тойрогуудта бүхэроссиин хэмжээ ябуулгын оператор Татьяна Афанасьевада, «Сибирский» гэһэн буян үйлэдэлгын жасада 8 (383) 209-31-25 гэһэн утаһаар, [email protected], http://siberiancenter.ru гэһэн хаягаар хандажа болоно.
Буряад Уласай соёлой яаманай гэрэл зураг