865
Ородой Холбоото Уласай можо нютагуудай, тэрэ тоодо Буряадай ажаһуугшадые, хари гүрэнүүдтэ ажаһуудаг нютагайнгаа хүнүүдые уласаймнай волонтёрнууд Сагаан һарые угтуулан, «Дэлхэй тойруулһан буузын аяншалга» гэһэн хэмжээ ябуулга хабаадахыень уряална. Монгол туургата арадуудай Шэнын нэгэнэй һайндэртэ зорюулан, бэлэгүүдые бариха, туһа хүргэхэ һайхан заншал сахин хүгжөөхэ зорилготой хэмжээ ябуулга эмхидхэгдэнэ.
Тус акциин хэмжээндэ һайн дураараа туһа хүргэгшэд, Буряадай ажаһуугшад, худалдаа-наймаанай эмхинүүд үншэн хүүгэдэй гэрнүүдтэ болон бусад ниигэмэй эмхинүүдтэ хүрэхэ юм. Эмхинүүдтэ ажаһуугшадта буян үйлэдэлгын хэмжээ ябуулгада хабаадагшад буузануудые бэлэглэхэ юм.
Буряад Уласай Хэжэнгэ, Хори, Сэлэнгэ, Баргажан, Захаамин, Хурамхаан, Мухар-Шэбэр, Байгал шадарай аймагуудай ажаһуугшад, Австрали, Германии, Израиль, Таиландһаа хүнүүд буян үйлэдэлгын хэмжээ ябуулгада хабаадана гээд тэмдэглэлтэй.
Буряад Уласай ниигэмэй хамгаалгын яаманай болон Юрэнхылэгшын грантнуудай жасын дэмжэлгээр түсэл бэелүүлэгдэнэ.
Хэмжээ ябуулгада хабаадаха гэбэл, түсэлэй менеджер Елена Владимировнатай, Байгалай буян үйлэдэлгын жасатай (3012) 23-22-16 (ажалай), 8-924-779-31-73 гэһэн утаһаар, e-mail: [email protected] гэһэн хаягаар холбоо барихада болоно.
