1061
«2012-2020 онуудта Байгал далай сахин хамгаалга болон Байгалай дэбисхэрэй ниигэмэй-эдэй засагай хүгжэлтэ» гэһэн федеральна программын хэмжээндэ Буряад Уласай Засагай газар 2019 оной февраль һарада Ородой Холбоото Уласай Барилгын яамантай федеральна бюджетһээ мүнгэн тэдхэмжэ үзүүлхэ тухай хэлсээ баталба.
Түрүүшын хоёр жэлдэ һомологдоһон мүнгэ хэрэглэхэ гэжэ түсэблэгдэнэ. 2019 ондо Улаан-Үдын сэбэрлэлгын түхеэрэлгэнүүдые һэльбэн шэнэдхэлгэдэ 531 сая түхэриг һомологдохо, 500 саянь – федеральна бюджетһээ. Тиихэдэ 2020 ондо баһал иимэ мүнгэн һомологдохо юм.
Улаан-Үдын сэбэрлэлгын түхеэрэлгэнүүдые һэльбэн шэнэдхэлгэдэ һомологдоһон мүнгөөр урадхуул уһа сэбэрлэхэ, биологическа сэбэрлэлгэ үнгэргэхэ блогууд, диспетчерскэнүүд, сэбэрлэлгын түхеэрэлгэнүүдэй лаборатори болон бусад объектнүүдые бариха гэжэ түсэблэгдэнэ.
