448
2018 ондо Буряад Уласай ажаһуугшадые хүнгэлэлтэтэй эмүүдээр хангалгада уласай бюджетһээ 669 сая түхэриг һомологдоо. 70 мянганһаа дээшэ хүн эмүүдые түбэригүй абаһан байна. 2017 ондо эмүүдээр хангалгада 542 сая түхэриг һомологдоо гээд һануулая.
28 мянганһаа дээшэ диабет үбшэнтэй хүнүүд эмнэлгын-ниигэмэй тэдхэмжэдэ хүртэнэ. 2018 ондо эдэ зониие эмүүдээр хангалгада 151 сая түхэриг гаргашалагдаа.
Хоморой үбшэндэ нэрбэгдэһэн 114 хүнүүдые эмүүдээр болон тусхай эдеэ хоолоор хангалгада 248 сая түхэриг һомологдоһон байна. Үбшэндэ нэрбэгдэһэн хүнүүдые, тэрэ тоодо 3 наһатай болотор үхибүүдые, эмүүдээр хангалгада уласай бюджетһээ үнгэрэгшэ жэлдэ 269 сая түхэриг һомологдоо гэжэ Буряад уласай элүүрые хамгаалгын яаманда тэмдэглэнэ.
