945
Үндэһэн арадуудай Уласхоорондын жэл Ханты-Мансиин бэеэ дааһан тойрогто мартын 21-22-то албан ёһоной шугамаар нээгдэхээр хараалагдана.
Харин бүхэдэлхэйн хэмжээндэ Үндэһэн арадуудай Уласхоорондын жэл байгша оной январиин 28-да Париж хотодо эхиеэ абаа.
Манай гүрэндэ 700 гаран хэмжээ ябуулганууд бүхы гүрэн доторнай холбоото уласай ниислэлдэшье, нютаг можонуудташье үнгэргэгдэхөөр хараалагдана. Уласхоорондын хуралдаан Ханты-Мансийск хотодо байгша оной мартын 21-22-то болохо. Тэндэл үндэһэн арадуудай хэлэнүүдэй жэл нээгдэхэ гээд мэдээсэгдэнэ. Улас түрымнай 35 нютаг можын гахар дэбисхэр дээрэ ажаһуудаг үндэһэн арадуудай түлөөлэгшэд, эрдэмэй болон багшын ажалтай мэргэжэлтэд, олонитын нэгэдэлнүүдэй гэшүүд, засагай зургаануудта ажаллагшад хабаадалсаха юм.
2019 он Үндэһэн арадуудай хэлэнүүдэй жэл гэжэ Нэгэдэмэл үндэһэтэ яһатанай эмхиин (ООН-ой) шиидхэбэреэр соносхогдоһон юм гээд һануулая. Үндэһэн арадуудай хэлэнүүдэй жэл манай гүрэндэ мүн лэ 2019 ондо үнгэргэгдэхэнь, тэрээндэ бэлдэхэ эмхидхэлэй хороон байгуулагдаа гээд урид мэдээсээ һэмди.
Анна Огороднигой гэрэл зураг
Автор: Василий ЦЫБИКОВ
