963
Буряад уласта дулаан уларил тогтожо, саһанай хайлаһан ушарһаа түймэрэй аюулгүй байдал сахиха дүримүүдые нягтаар сахихыень ойн харуулшад ажаһуугшадые уряална. Тиихэдэ машинаар ябахадаа, харгын хажуугаар тамхияа унтараангүй бү хаягты гэжэ ойн ажахын агентствын хүдэлмэрилэгшэд һануулна.
Ойдо утаа уняарай гарабал, (83012) 20-44-44 гэһэн утаһаар ойн харуулда гү, али дүтэ оршодог ойн ажахыда заатагүй дуулгаха хэрэгтэй. Хагда галдаһан ушарһаа ехэнхидээ ойн түймэрнүүд эхилдэг. Ойн харуулшад түймэр гараһан тухай мэдээсэл бүхэнөөр шалгалта эмхидхэнэ.
Мүнөө Буряад уласай Зэдэ, Мухар-Шэбэр, Сэлэнгэ, Хяагта, Бэшүүр аймагуудта түймэрһөө һэргылэмжын ажал ябуулагдана гэжэ уласай ойн ажахын агентство мэдээсэнэ.
Тиихэдэ ойн жасада болон аймагуудай засаг дарганарай баталһан газарнуудта хагда галдажа болохо гэжэ һануулнабди.
