​​Чимит Дарибазароной уран шүлэгэй долгин дээрэ

Чимит Ринчинович Дарибазароной 85 жэлэй ойн баярта зорюулагдаһан уран һайханай урилдаан Хэжэн­гэ аймагай номой санда үнгэргэгдөө. Энэ хэмжээ ябуулга “Эхин аялга” гэжэ нэрэтэй номой хэблэлдэ дашарамдуулагдаа. Урил­даанда аймагай 80 гаран һурагша эдэбхитэй хабаа­даа юм.

Нээлгын баяр ёһололдо Хэжэнгэ аймагай засаг дар­га Геннадий Лхасаранов, ай­магай һунгамалнуудай зүблэлые толгойлогшо Доржо Бадмаев, ниигэмэй бодол­гын хорооной түрүүлэгшэ Интерна Эрдынеева, болбо­соролой таһагай дарга Сэсэг­ма Башенхаева гэгшэд хабаа­даа. Тэдэнэр сугларагшадые амаршалан, бултандань ам­жалта хүсөөд, мүнөө сагта олонхи үхибүүдэй буряад хэлэгүй хадань иимэ хэмжээ ябуулганууд тон хэрэгтэй гэжэ тэмдэглээ.

Чимит Дарибазароной наһанайнь нүхэр Цырен-Дол­гор Бодиевна үри хүүгэдтэеэ, аша гушанартаяа ерээ.

Чимит Ринчинович хэблэгдээгүй олон уран зохёол­нуудаа орхиһон байна. Тэдэ ажалнуудыень удаан хада­галжа байгааб. Зариманайнь үзэг харагдахаар бэшэ болоо. Харин үхибүүд шэнэлжэ, һайн шанартай “Эхин аялга” гэжэ ном хэблэбэ ха юм, - гэжэ 85-тай Цырен-Долгор Бодиевна хэлээ.

Урилдаанай эхилхын урда аймагай номой сангай хүдэлмэрилэгшэд “Эхин аял­гатай” танилсуулаа. Хизаар ороноо шэнжэлэгшэ Бэлиг­ма Дамбаева Чимит Дари­базароной зохёохы ажал тухай дэлгэрэнгыгээр хөөрэһэнэйнь удаа Буряадтаа мэ­дээжэ Сэсэгма Шойдокова уран һайханаар шүлэг унша­жа, урилдаа нээбэ.

Уран зохёолшын ном бүхэниинь һонин, шухаг һэн хойноо залуушье уншагша­дай, хүүгэдэйшье анхарал татадаг. Энээниие урилда­анда хабаадаһан һурагшад гэршэлээ. Жэшээнь, Булат Цырендоржиев “Гахайн хүсэл” гэһэн басни уранаар, айхабтар бэрхээр наадан уншажа, харагшадые таша­ганаса энеэлгүүлээ, халуун альга ташалганда хүртөө. Мүн Агван Митыповые баһа тэмдэглэлтэй. Эдэ шударгы бэрхэ хүбүүдэй багшань ха­даа Буряад Уласай гүрэнэй шангай лауреат, Ородой Хол­боото Уласай соёлой габьяа­та хүдэлмэрилэгшэ Сэсэгма Шойдокова болоно бшуу.

Шүлэг уншалга

Урилдаанай дүнгүүд ту­хай хэлэбэл, багашуулай дунда “Шүлэг” номинацида эдиршүүлэй уран һайханай түбэй хүмүүжүүлэгшэ Сой­жина Доржиева түрүүлээ. 2-дохи һуури Усть-Ородой һургуулиин 3-дахи анги­ин һурагша Буянто Цы­денжапов, Үлзытын дунда һургуулиин һурагша Соном Баиров болон Худанай дун­да һургуулиин 3-дахи ан­гиин һурагша Оюна Балда­нова гэгшэд эзэлээ. 3-дахи һуурида Хэжэнгын дунда һургуулиин 4-дэхи анги­ин һурагша Ирина Доржи­ева болон Ородой дунда һургуулиин 3-дахи ангиин һурагша Александра Базаро­ва гараа.

“Басни” номинацида

эдиршүүлэй уран һайханай түбэй хүмүүжүүлэгшэ Аг­ван Митыпов түрүү һуури эзэлээ. 2-дохи һуури эдиршүүлэй уран һайханай түбэй хүмүүжүүлэгшэ Бэ­лигма Дажеева, Үлзытын дунда һургуулиин 1-дэхи ангиин һурагша Юмжана Будожапова, Хэжэнгын дун­да һургуулиин 3-дахи ан­гиин һурагша Айлана Цын­гуева гэгшэд эзэлээ. 3-дахи һуурида Дээдэ Хэжэнгын дунда һургуулиин 4-дэхи ан­гиин һурагша Сарюна Дан­дарова, Могсохоной дунда һургуулиин 2-дохи ангиин һурагша Радна Доржижапов болон Хэжэнгын интернат һургуулиин 4-дэхи ангиин һурагша Жаргал Загдажапов гараба. В.С.Мункинай нэрэм­жэтэ лицейн 4-дэхи ангиин һурагша Андрей Цывандор­жиев тон уран һайханаар уншаһанайнгаа түлөө тусхай шанда хүртөө.

5-8-дахи ангиин һурагшадай дунда энэл һургуулиин 8-дахи ангиин Соёлма Шойжилова шал­гараа. 2-дохи һуури Хэжэн­гын интернат һургуулиин һурагшад Виктория Бадма­ева ба Мэдэгма Дондокова эзэлээ. 3-дахи һуурида Хэ­жэнгын дунда һургуулиин 5-дахи ангиин һурагша Ар­дан Жамсаранов хүртэбэ.

Ахалагша ангиин түлөө- лэгшэдэй дунда Хоца На­мсараевай нэрэмжэтэ Хэ­жэнгын дунда һургуулиин 11-дэхи ангиин һурагша Цыдып Сультимов түрүүлээ. 2-дохи һууриин шанда Хэ­жэнгын дунда һургуулиин 10-дахи ангиин һурагша Цы­рен Бадмаев хүртөө. 3-дахи һуури Дээдэ Хэжэнгын дун­да һургуулиин 9-дэхи анги­ин һурагша Самбу Ямпилов эзэлээ.

Уран уншалгаар

Хэжэнгын дунда һургуулиин 7-дохи ангиин һурагша Нам­гар Доржиева эрхимлээ. 2-дохи һуури Хэжэнгын ли­цейн һурагша 8-дахи анги­ин Дыжит-Ханда Анзанова эзэлээ. 3-дахи һуурида Хэ­жэнгын дунда һургуулиин 6-дахи ангиин һурагша Дми­трий Садыков хүртөө.

“Эссе” номинацида

ёһотой түрүү һуури Сарю­на Дашиева эзэлээ. 2-дохи һуурида Хэжэнгын дунда һургуулиин 10-дахи анги­ин һурагша Алина Бадара­ева гараа. Ёһотой 3-дахи һуурида мүн лэ Хэжэнгын дунда һургуулиин 8-дахи ан­гиин һурагша Бэлиг Цыби­ков хүртөө.

Чисаанын дунда һургуулиин 7-дохи ангиин һурагша Содном Дашиев тусхай шан абаа.

Урилдаанай Гран-при

шанда болон таба мянган түхэригтэ Хоца Намсарае­вай нэрэмжэтэ һургуулиин 6-дахи ангиин һурагша Бу­лат Цырендоржиев хүртөө.

Чимит Ринчиновичэй түрэл гаралынь Хэжэнгэ айма­гай үхибүүд тордиһогүй бу­ряад хэлэтэй байхаһаа гадна уран гоёор уншана гэжэ тэмдэглэн, баяраа мэдүүлээ. Тиин бүгэдэ хабаадагшадта грамотанууд болон мүнгэн шангууд барюулагдаа юм.

Иигээд энэ һониноо по­эдэй нютагтаа зорюулhан уянгата мүрнүүдээр дууhаха дуран хүрэнэ:

Ажалаар, шүлэгөөр амилhан

Аажам хонгор Чисаанам

Ардаг хүлэгөө тахалжа,

Ажалаа бүтөөн шамданаш.

Уян налгай сэдьхэлтэй,

Урин зулгы харасатай

Эжыдэм яаhан адлибши,

Элдин хонгор нютагни!

Энгэр дээрэш хүльбэрэн,

Эрын тамир эршэдхээб.

Шүүдэртэ сэгээнагаарhааш

Шүлэгэй hубhа суглуулааб.

Бэлигэйм шадалаар харюу хүлеэhыш

Бэе дээрээ тухайлжал hуунаб.

Арюухан тунгалаг аршаанhааш

Амасан, амасан шүлэг үлхэнэб.

Сэсэгма ОЧИРЖАПОВА, Сэсэг ШОЙНХОРОВА