974
Зүүн Сибириин гүрэнэй соёлой ехэ һургуулида Буряад Уласай ехэ һургуулинуудай оюутадай дунда буряад хэлээр уласай XXVII олимпиада эмхидхэгдээ.
Буряадай ехэ һургуулинуудай багшанар дүй дүршэлөөрөө андалдаха, оюутадтай хамта һуралсалай болон һуралсалһаа гадуур ажал гуримшуулха, мэргэжэлтэдые бэлдэхэ талаар шанар шэнжэ дээшэлүүлхэ, оюутадай зохёохы бэлиг талаан хүгжөөхэ, тэдэнэр хэр зэргэ буряад хэлэ мэдэнэб гэжэ элирүүлхэ, саашадаа буряад хэлэ шудалха, дэлгэрүүлхэ хүсэл түрүүлхэ зорилготой олимпиада эмхидхэгдэнэ.
Болбосоролой һалбариин урилдаанда Доржо Банзаровай нэрэмжэтэ Буряадай гүрэнэй ехэ һуруулиин, Василий Филипповэй нэрэмжэтэ Буряадай хүдөө ажахын академиин, Зүүн Сибириин гүрэнэй соёлой академиин, Зүүн Сибириин гүрэнэй хүтэлбэриин болон технологиин ехэ һургуулиин 4 команда хабаадаа. Тиихэдэ хубиин болон командна тоосоондо олимпиада гурбан шатада үнгэрөө. Оюутад диктант бэшэжэ, залуу поэдүүдэй урилдаанда хабаадажа, «Залуушуул болон театр» гэһэн сэдэбээр зүжэглэмэл наада харуулаа.
Олимпиадын дүнгүүдээр Буряадай гүрэнэй ехэ һургуулиин команда -нэгэдэхи һуури эзэлээ, Зүүн Сибириин гүрэнэй соёлой академи – хоёрдохи, Зүүн Сибириин гүрэнэй хүтэлбэриин болон технологиин ехэ һургуули гурбадахи һууринуудта хүртөө.
Хубиин тоосоондо олимпиадын түрүүшын хоёр шатын урилдаанай дүнгүүдээр Зүүн Сибириин гүрэнэй соёлой академиин Баир Цыбанов нэгэдэхи һуури эзэлээ. Зүүн Сибириин гүрэнэй соёлой академиин оюутан Долгор Георгенова хоёрдохи һуурида хүртөө. Зүүн Сибириин гүрэнэй соёлой академиин оюутан гурбадахи һуури эзэлһэн байна. ТиихэдэБуряадай хүдөө ажахын академиин академиин оюутан Жаргал Бальжинимаева тусхай шанда хүртөө.
