947
Үнгэрһэн үдэрэй туршада Буряад Уласта Хори болон Загарай аймагуудта ойн түймэрнүүд 6 гектар тухай талмайда гараһан байна.
Хори аймагта ойн түймэр табиһан гэмтэн элирүүлэгдээ. Хасуурта нютагай ажаһуугша ойдо гэшүүһэ, хатанхай модо суглуулаад, тамхияа унтараангүй хаяһан байна.Уутаанай гарахые хараһан хүнүүд ойн ажахыда дуулгаһан байна. Ойн түймэр табиһан хүндэ захиргаанай хуули эбдэһэн тухай протокол абтажа, удаань түймэр унтараалгын гаргаша хүсэлдүүлхэ иск абтаха.
Ойдо түүдэг носоохо, тамхи унтараангүй хаяха, бог шорой орхихо, модо тариха газарнуудта автомашинаараа орохо, хүдэлжэ байһан тхеникэдэ түлишэ хэхэ, модо сабшаха, холтоһыень абаха, һархяаг, эм домтой ургамалнуудые, жэмэсүүдые үндэһэнтэйнь зулгааха хоригдоно. Эдэ дүримүүдтэ хайша хэрэгээр хандабал, эрхэтэд 1500-һаа 5000 хүрэтэр, харюусалгата нюурнууд 10000 мянгаһаа 50000 хүрэтэр, юридическэ нюурнууд 50000-һаа 1000000 сая хүрэтэр ялада тохогдохо юм.
Ойдо түймэрэй гараһан, хагда галдаһан тухай 3012 (20-44-44) гэһэн утаһаар гү, али аймагуудай диспетчерскэ албануудта дуулгыт гэжэ ойн харуулшад ажаһуугшадта хандана.
