667
Нэмэлтэ һуралсалай багшанарай дунда мүнөөдэр, апрелиин 4-дэ, Буряад уласай «Сердце отдаю детям» гэһэн XI мүрысөөн эхилээ. Тус хэмжээ ябуулга Театрай жэлдэ зорюулагдана.
Байгша оной мүрысөөндэ 27 багша хабаадажа, хоёр үдэрэй туршада гурбан шатада тэдэнэр мүрысэхэ. Урилдаанай түрүүшын шатада багшанар өөр тухайгаа хөөрэхэ, танилсуулха, хоёрдохи шатада нээмэл хэшээл үнгэргэхэ, гурбадаха шатада тэдэнэр «Минии болбосоролой программа» гэһэн нэмэлтэ һуралсалай программаяа хамгаалха юм. Эгээл ехэ балл абаһан 15 хабаадагша, мүрысөөнэй гурбадахи шатада хаба шадалаа туршаха болоно. Гурбадахи шатада багшанар мастер-классуудые үнгэргэхэ, болбосоролой болон эрдэм ухаанай яаманай түлөөлэгшын хабаадалгатай дүхэриг шэрээ эмхидхэхэ юм.
- Мэргэжэлээ дээшэлүүлхэ, дүй дүршэлөөрөө, эрдэм мэдэсээрээ андалдаха талаар мүрысөөн түлхисэ боложо үгэдэг, - гэжэ Буряад уласай болбосоролой болон эрдэм ухаанай яаманай хүмүүжүүлгын болон нэмэлтэ һуралсалай таһагай дарга Арюна Байкова тэмдэглэбэ.
Улаан-Үдын «Феникс» түбтэ апрелиин 5-да мүрысөөнэй дүнгүүд согсологдожо, нэмэлтэ һуралсалай эрхим багшаныре шагналгын ёһолол үнгэргэгдэхэ. Буряад Уласта түрүүлһэн багша Бүхэроссиин «Сердце отдаю детям» гэһэн мүрысөөндэ уласаа түлөөлхэ юм.
Буряад Уласта нэмэлтэ һуралсалай 152 эмхидэ 2305 багшанар ажалладаг гээд тэмдэглэлтэй.
- Бидэ шэнэ юумэ нэбтэрүүлхэ хэзээшье бэлэмди. 2024 он болотор шэнэ оньһо нэбтэрүүлхэ түсэлнүүдэй ашаар һурагшадай 80 хубииень нэмэлтэ һуралсалда хабаадуулхабди, - гэжэ Арюна Байкова онсолбо.
