491
Буряад Уласай Сэлэнгэ аймагай Асын дасанда байгша оной майн 1-һээ 25 болотор модо тариха хэмжээ ябуулгада хабаадахыень һүзэгшэдые уряална. Тус акци хэдэн жэлдэ үнгэргэгдэжэ байхаар хараалагдана. Тиигэжэ бүтэн жэлэй туршада хоёр удаа – хабартаа ба намартаа эмхидхэгдэхэ юм. Нэгэдүгээр Хамба лама Дамба-Даржаа Заяевай дурасхаал мүнхэлэн, ажаһуугшад сагдуул модонуудые худалдажа абаад, тариха аргатай.
Новоселенгинскһээ холо бэшэ Талын Харгана гэжэ газарта Дамба-Даржаа Заяев 1777 ондо тагаалал болоhон. Ородой Холбоото Уласай Бандида хамба ламанарай институдай байгуулагдаһаар 250 жэлэй ойн баярта зорюулан, 2014 оной сентябрь һарын һүүл багта энэ газарта Сагаан Дара Эхын дуганай рамнай үнгэрөө һэн.
«Хамба лама Дамба-Даржаа Заяев Ород гүрэнэй толгойлогшонорые Сагаан Дара Эхын хубилгаан гэжэ нэрлэхэ тухай заншал байгуулһан. Талын Харганые Бандида хамба лама Дамба Аюшеев үглөөнэй һэрюун һэбшээнэй газар гэжэ нэрлэнэ. Модо тариха үүсхэл һүзэгшэдэй талаһаа дэмжэлгэдэ хүртөө», - гэжэ Буряад Уласай Соёлой яаманда тэмдэглэбэ.
