1934
Байгша оной апрелиин 22-то Буряад Уласай Аралай Хуралай ээлжээтэ 5-дахи сессидэ дүшэнһөө дээшэ асуудалнуудаар зүбшэн хэлсэхэ. Тиихэдэ Буряад Уласай Болбосоролой болон эрдэм ухаанай сайд Баир Жалсанов уласай болбосоролой эмхинүүдтэй багшанарай дутагдалай асуудалаар яаманда хэгдэһэн ажал тухай тоосохо юм.
Буряад Уласай Толгойлогшо Алексей Цыденов захил-хандалга үнгэргэжэ, һүүлэй жэлдэ шиидхэгдэһэн шухала асуудалнууд тухай элидхэхэ гэжэ түсэблэгдэнэ. Тэрэшэлэн улас дотор һаяын сагта богони болзорто шиидхэхэ асуудалнууд тухай Алексей Цыденов хэлэхэ юм. Заншалта ёһоор, һунгамалнууд ниигэмэй һалбариин асуудалнуудаар зүбшэн хэлсэжэ, хуулинуудта нэмэлтэнүүдые оруулха юм. Тиихэдэ 2019 болон түсэблэлгын 2021 он болотор уласай бюджетдэ, Эмнэлгын уялгата даадхалай уласай жасын бюджетдэ хубилалтанууд оруулагдаха.
2018 оной туршада хэгдэһэн ажал тухай Буряад уласта хүнүүдэй эрхын талаар этигэмжэтэ Юлия Жамбалова тоосохо юм.
Тиихэдэ хойто аймагуудай хүгжэлтын асуудалнуудаар ажал ябуулха Арадай Хуралай «Север» гэһэн комисси байгуулха арга боломжонуудые һунгамалнууд хаража үзэхэ.
Анна Огороднигой гэрэл зураг
