905
Байгша оной майн 15-17-ной үдэрнүүдтэ эрэмдэг бэетэй хүнүүдэй дунда «Абилимпикс» гэһэн чемпионадай уласай II шата Буряадта үнгэргэгдэхэ. Энэ хэмжээ ябуулгада табинһаа дээшэ һурагшад болон оюутад хаба шадалаа туршаха. Уласай чемпионадай II шата үнгэргэлгэдэ 75 волонтёр хабаадалсаха юм.
Тус мүрысөөнэй хэмжээндэ албанай, үзэсхэлэнэй, мэргэжэл шэлэлгын, урилдаанай программанууд эмхидхэгдэхэ. «Абилимпикс» гэһэн уласай чемпионадта дунда мэргэжэлэй болбосоролой эмхинүүдэй оюутад хабаадана. Тэдэнэр сетевой болон системнэ администрировани; электронно тоног хэрэгсэлнүүдые задалха, суглуулха; эдеэ хоол шанагшадай; шэрдэлгэ-будалгын ажалай; ниитын ажаябуулга, веб-дизайн, робототехникэ, дэгээ зүүгээр нэхэхэ, дуу дуулаха гэһэн 10 һалбарида хаба шадалаа туршажа, эрхимүүд элирүүлэгдэхэ.
Чемпионадай хэмжээндэ эрэмдэг бэетэй үхибүүдтэй түрэлхидтэ эрхын талаар семинар үнгэрхэ, «Инклюзиин болбосорол: хүгжэлтын асуудалнууд болон холын хараата түсэбүүд» гэһэн коучинг-сесси эмхидхэгдэхэ юм. Тиихэдэ һурагшад мэргэжэлэй болбосоролой эмхинүүдтэ, эрэмдэг бэетэй хүнүүдэй ажалай һууринуудай яармагта хүрэхэ.
2018 оной октябрь һарада «Абилимпикс» гэһэн чемпионадай уласай I шата үнгэрһэн байна гээд һануулнабди. Тус хэмжээ ябулгада 140-һөө дээшэ хүн хабаадаа һэн.
Буряад Уласай ниигэмэй хамгаалгын яаманай мэдээсэлэй албанай гэрэл зураг
