962
Үнгэрһэн үдэрэй туршада Бабанта, Зэдэ, Ярууна, Загарай, Ивалга, Кабанск, Байгал шадарай аймагуудта ойн 11 түймэр, Түнхэнэй дархан газарта ойн 2 түймэр унтарааха ажал ябуулагдаа. Тэдэнэй 6-ниинь унтараагдаа, нэгэниинь саашаа һүжэрхөө болиһон байна. Харин 4 түймэр соробхилһоор.
Түймэр саралгада 330-һаа дээшэ ойн харуулшад, түймэр сарагшад-парашютистнар, ой ашаглагшаад хабаадаа. Түймэр саралгын 70 техникэ хэрэглэгдээ.
Тиихэдэ Буряадай Аха, Бабанта аймагуудта 4 газарта гараһан түймэр «ИСДМ-Рослесхоз» гэһэн замбуулинһаа буулгаха программмаар хинагдана. Эдэ түймэрнүүд хүдөө һууринуудта аюулгүй, тэдэниие саралгада түймэрэй хохидол усадхаһанһаа ехэ мүнгэн гаргашалагдаха гэһэн онсо байдал усадхаха, һэргылхэ комисиин шиидхэбэреэр, түймэрнүүдэй унтараалга болюулагдаа.
Түймэрэй аюултай хаһын эхилһэнһээ хойшо улас дотор 40,5 мянган гектар талмайда ойн 167 түймэр гараа гэжэ бүридхэгдөө. Тэрэшэлэн түймэрэй аюулгүй байдал сахиха талаар шалгалтанууд үнгэргэгдэжэ, дүрим эбдэһэн 35 ушар элирүүлэгдээ.
Буряад уласта түймэрэй аюулгүй байдалай онсо гурим соносхогдонхой гэжээ уласай ойн ажахын агентство һануулна. Онсо гуримай үедэ ойдо орохо, гал түүдэг носоохо, бог шорой галдаха хоригдоно.
Түймэрэй гараһан тухай (3012)20-44-44 гэһэн утаһаар дуулгыт гэжэ ойн харуулшад ажаһуугшадта хандана.
