859
Байгша оной майн 17-18-най үдэрнүүдтэ Буряад уласта ой модо тарилгын бүхэроссиин хэмжээ ябуулга эмхидхэгдэхэ. Буряад ойн харуулшадтай хамта Улаан-Үдын хотын захиргаан гансашье уласай дэбисхэртэ бэшэ, харин тиихэдэ ниислэл хотодо модо тариха гэһэн шиидхэбэри абаһан байна.
Майн 17-до Заудинскын ойн жасада нарһанай 120 мянган сагдуул модон таригдаха. 2011 ондо эндэ 30 гектар талмайда түймэр һүжэржэ, ой модон шатаһан байна. Тус хэмжээ ябуулгада ой модоной һалбариин хүдэлмэрилэгшэд, модо тариха дүй дүршэлтэй хүнүүд хабаадаха юм.
Майн 18-да Улаан-Үдын ажаһуугшад модо тариха хэмжээ ябуулгада хабаадаха аргатай. Буряад уласай ойн харуулшад хуһан, мойһон, шэнэһэн, үлир модонуудые тариха гэжэ бэлдэнэ. Ой модо тарилгын Бүхэроссиин үдэртэ дашарамдуулан, уласай бүхы аймагуудай парк, сквер, аллейнүүдтэ, хүүгэдэй сэсэрлигүүд болон һургуулинууд шадар модонууд таригдаха. Тиихэдэ ойн харуулшад һурагшадтай уулзалгануудые эмхидхэхэ юм.
Анна Огороднигой гэрэл зураг
