1077
Ородой Холбоото Улас дотор 2016 онһоо хойшо «Эрхим бүлэ» гэһэн Бүхэроссиин мүрысөө Ажал хүдэлмэриин болон ниигэмэй хамгаалгын яаман болон Хүшэр байдалда ороһон үхибүүдые дэмжэхэ жаса эмхидхэдэг. Ажабайдалай бата найдамтай тулгуури хадаа гэр бүлэ, түрэлхид гэжэ олониитэдэ харуулха, ойлгуулха, дэмжэхэ зорилготой мүрысөөн үнгэргэгдэдэг.
Буряад уласай 20 аймагта Бүхэроссиин мүрысөөнэй үнгэрһэн шэлэн абалгын шатын дүнгүүдээр, уласай хэмжээндэ 41 мэдүүлгэ ороһон байна.
«Олон үхибүүтэй гэр бүлэ» номинацида - 10 бүлэ; «Залуу гэр бүлэ» номинацида - 7 бүлэ; «Хүдөө нютагта ажаһуудаг гэр бүлэ» номинацида - 8 бүлэ; «Ородой Холбоото Уласай алтан бүлэ» номинацида - 4 бүлэ; «Гэр бүлэ – ёһо заншалнуудые хадагалагша»номинацида 12 гэр бүлэ хабаадаа.
2019 оной Бүхэроссин мүрысөөнэй уласай шатада «Олон үхибүүтэй гэр бүлэ» номинацида Мухар-Шэбэр аймагай Николай Викторович Теслев ба Евгения Петровна Валихметовагай гэр бүлэ эрхимлээ. «Ородой Холбоото Уласай алтан бүлэ» номинацида Захаамин аймагай Владимир Лупсанович ба Марина Дымбрыловна Лубсановтанай бүлэ илаһан байна. «Хүдөө нютагта ажаһуудаг гэр бүлэ» номинацида Захаамин аймагай Шагдуржап Александрович ба Галина Бадмаевна Халзагаевтанай бүлэ амжалта туйлаа. «Гэр бүлэ – ёһо заншалнуудые хадагалагша» номинацида Хори аймагай Виктор Филиппович ба Наталья Владимировна Ивановтанай бүлэ түрүүшын һуури эзэлээ. «Залуу гэр бүлэ» номинацида Аха аймагай Дондип Доржиевич ба Галина Олеговна Будаевтанай бүлэ эрхимлээ. Эдэ гэр бүлэнүүдтэ дипломууд болон үнэтэ бэлэгүүд барюулагдаа.
Бүхэроссиин мүрысөөнэй уласай шатада илагшад федеральна хэмжээндэ Буряадаа түлөөлхэ юм.
