​​Буряад уласай Хяагта аймагта Мойһоной наадан үнгэргэгдэбэ

Буряадай аяншалгын сайд Мария Бадмацыренова нооһо ээрэнэ

Июниин 29-30-ай үдэрнүүдтэ Сүхэ һууринда Мойһоной наадан үнгэрбэ. Ула­сай хэмжээнэй тус наадан хүдөө нюта­гуудаар аяншалга хүгжөөхэ зорилго­тойгоор эмхидхэг­дээ.

Аймаг аймагһаа сугларһан уран гар­тан элдэб һэеыгээр, нооһоор, модоор, үйһөөр бүтээлнүүдые дар­халха, элһээр зураг зураха, һахюуһа хэхэ, үдэрэй зур­хай бүридхэхэ та­лаар хэшээлнүүдые үнгэргөө. Гадна Хя­агтын хасагууд мори унахадаа бэрхэнүүд байһанаа дахин гэр­шэлээ. Аймагай хи­заар ороноо шэн­жэлэлгын музейн мэргэжэлтэд «Агуу­ехэ сайн зам дээрэ» гэһэн сэдэбээр асуу­далнуудые табижа, сугларагшадай мэ­дэсэ шалгаа. Мүн тус нааданда хабаадаг­шад мойһоной пиро­гоор хүндэлүүлээ.

Сүхэ гол дээрэ загаһашалха, зүгыгөөр эмшэлүүлхэ гээд лэ, һонин-һонин арга хэмжээнүүд Мойһоной нааданай үедэ үнгэргэгдөө.

Дора Хамагановагай гэрэл зураг