​​Буряад хубсаһаяа гоёжо үмдэнэ

Сергей ба Тамара Тугутовтан ашанартаяа

Хилгана нютагтаа бүхы наһаараа ажалай багшаар болон номой санда хүдэлһэн Тамара Тугуто­ва буряад хубсаһандаа ехэ дуратай юм. Энэ удаашье бүхы гэр бүлөөрөө үндэһэн хубсаһаяа үмдөөд байгаа.

- Манай эндэ хүнүүд гансал тай­зан дээрэ гарахадаа, буряадаараа хуб­салдаг. Ажалдаа, нааданда, түрэ на­рандашье ехэ үмдэдэггүй. Гэбэшье һанаан бии. Илангаяа шажан мүргэлэй хэмжээнүүдтэ үндэһэн хубсаһаяа хэрэ­глэхэ хүсэлтэй зон бии боложол байдаг. Теэд салингүй хүдөөгэй зон иимэ гоё хубсаһа оюулха гү, али худалдажа аба­ха арга боломжогүй. Манай эхэнэрнүүд ядахын сагта уужашье оёжо үмдэдэг һаа гэлсэдэг, - гэжэ тэрэ хэлээ.

Үнэхөөрөөшье, үндэһэн болон буря­ад маягтай мүнөө үеын хубсаһан ехэ үнэтэй. Сэнгэйнь доошолоогүйдэ, буря­ад хубсаһанай юрын зоной дунда дэл­гэрхэнь үдыл хаш. 

Цырегма Сампиловагай гэрэл зураг