900
Буряад Уласай Толгойлогшын болон Засагай газарай Захиргааниие хүтэлэгшын орлогшо Ирина Смоляк Баргажанай ниигэмые хамгаалгын таһагта һая нарайлһан эжынэртэ хабаатай зүблөө үнгэргөө.
Байгша ондо нарайлһан эхэнэрнүүдтэ мэргэн зүбшэлнүүд үгтөө. Тиихэдээ Алас Дурнын федеральна тойрогой бүридэлдэ ороһонойнгоо ашаар Буряадай ажаһуугшадта, илангаяа залуу гэр бүлэнүүдтэ горитой туһаламжа үзүүлэгдэжэ эхилээ гээд хэлэгдээ. Жэшээнь, гэр байратай болохоёо һанагшад нилээд ехэ хүнгэлэлтэйгөөр урьһаламжа абаха аргатай юм.
Һаяханай хоёрдохи үхибүүтэй болоһон Ханхасаевтанай бүлэ 135 мянган түхэриг уласай эхын капитал абахада хэрэгтэй дансанууд зүблөөнэй эсэстэ барюулагдаа гээд, Буряад Уласай ниигэмые хамгаалгын яаманһаа дуулгана.
Буряад уласай ниигэмэй хамгаалгын яаманай мэдээсэлэй албанай гэрэл зураг
Автор: Сарюна ЭРДЫНЕЕВА
