875
2018 оной туршада Буряад уласта 2605 хүн һураггүйгөөр үгы болоо гэһэн мэдээсэл бүридхэлдэ абтаа. Жэл бүри Буряадта хүнүүд уһанда орожо, ой тайгада төөрижэ хосорно. Тиимэһээ үгы болоһон хүнүүдэй түрэл гарал, хүсэтэ албан бэдэрэлгын отрядуудта хандана. Бэдэрэлгын ажал түргэн дары эхилхэ, ябуулха талаар һайн бэлэдхэл гараһан хүнүүд хэрэгтэй.
Буряад Уласай Спортын болон залуушуулай бодолгын талаар яаманай грантын дэмжэлгээр «Лиза Алерт» гэһэн бэдэрэлгэ-абаралгын отрядай бүлгэм Красноярска хизаар можо хоорондын һуралсал гарахаа зорибо.
Бэдэрэлгын арга боломжо, холбоо бариха болон бусадшье тоног хэрэгсэл яагаад хэрэглэхэб, бэдэрэлгын ажал яагаад эмхидхэхэ, гуримшуулха талаар Буряадай түлөөлэгшэд эрдэм мэдэсэеэ үргэдхэжэ, Буряад орондо ашаг үрэтэйгөөр хэрэглэхэ юм.
«Хүниие бэдэржэ байһан хүнүүд хэлэеэ ойлгосолдоболнай, үлүү асуудалнууд гарахагүй, ажал урагшатай байха», - гэжэ «Лиза Алерт» гэһэн бэдэрэлгын отрядай түрүүлэгшэ Григорий Сергеев тэмдэглэнэ.
Тобшо мэдээн.
2010 оной сентябриин 13-да Орехово-Зуево хотодо Лиза Фомкина һураггүйгөөр үгы боложо, табан үдэрэй туршада бэдэрэлгын ажал мүртэй ябуулагдаагүй. Энэ басаган тухай мэдээсэл холбоо сүлжээндэ тунхаглагдахадань, юрын хүнүүд бэдэрхэеэ гараа һэн. Теэд саг алдагдажа, басаганай бэе олдоо. 500-гаад хүн өөрынгөө дураар бэдэрэлгын ажалда хабаадаа һэн.
Уйдхар гашуудалтай үйлэ хэрэгэй болоһоной удаа, волонтёрнууд саашадаа иимэ тодхор ушархагүйн тула нэгэдэхэ гэжэ шиидэһэн байна. 2010 оной сентябриин 24-дэ бэдэрэлгэ-абаралгын «Лиза Алерт» гэһэн отряд байгуулха тухай хэлсэгдээ.
Буряад Уласай Спортын болон залуушуулай бодолгын талаар яаманай мэдээсэлэй албанай гэрэл зураг
