​Буряад уласай Мухар-Шэбэр аймагта Наймаанай ажалшадай һайндэртэ зорюулагдаһан яармаг эмхидхэгдээ

Мухар-Шэбэртэ Наймаанай ажалшадай һайндэртэ зорюулагдаһан яармаг заншалта болонхой. Һүүлэй үедэ эндэ “Мухар-Шэбэртэ үйлэдбэрилэгдөө” гэһэн тэмдэгтэйгээр гансал өөһэдын үйлэдбэрилэгшэд хабаададаг.

Яармагта ерэһэн зон нэн түрүүн хилээмэ, талханай зүйлнүүдые, мяха болон мяхаар үйлэдбэрилэгдэһэн хоол­нуудые худалдажа абаа. Тиихэдээ ша­ралдайгаархинай хилээмэ эгээл һайн шанартай, амтатай гэлдэнэ. Өөһэдын зүгын балшье һайн гэжэ сэгнэнэд. “Бра­во” клубай уран гартанай зүйлнүүд һайшаагдана.

Гэрэй шубуудшье, хубиин сэсэрлигүүдэй жэмэсшье хүнүүд дуратайга­ар абана. Иигэжэ наймаашадай болон худалдан абагшадай хоорондохи харил­саан бэхижэнэ. Хүнүүд бүри һайнаар бэе бэетэеэ танилсана.

- Яармагта ходо хабаададагби. Өөрөө буйлуулһан зүгын бал най­маалнаб. Бэшэ зүгышэдөөр һанаһан байһанаа хөөрэлдэнэбди. Наһатайшье хүндэ үшөө хэрэгтэй юм байнабди гэжэ һанахада, сэдьхэлдэ зохид байна. Залу­ушуулай хажууда өөрөөшье эдэбхитэй болонош, - гэжэ Георгий Ушаков сэдь­хэлээ хананги байһанаа хэлээ.

- Өөрынгөө гараар ургуулһан, буйлуулһан эд зүйлнүүдээ наймаалхаяа ерэһэн ажалша бүхэриг зониие хараха­да урмашахаар. Аймагайнгаа нютагуу­даар ябажа худалдаха байгаа. Амтатай­хан хилээмэ болон бэшэшье талханай зүйлнүүдые абаха дуратайшуул ню­таг бүхэндэ олон байхал даа. Жэмэсэй элбэгые гайхабаб, мүнөө жэл балай ехэ гараагүй ха юм. Ургуулжа шадаха бэрхэшүүл байнал даа. Галуу, тахяануу­дые абаашьегүй һаа, һайхашаажа хара­аб, - гэжэ Ирина Иванова баярлаһанаа мэдүүлээ.