​​Владимир Путин Монгол Улас айлшалха

Монгол Уласай Юрэнхылэгшэ Х. Баттулгын урилгаар Ородой Холбоото Уласай Юрэнхылэгшэ Владимир Путин Монгол Уласта сентябриин 3-да албан ёһоор айлшалха. Айлшалалгань хоёр арад түмэнэй түүхын хэлхеэнэй Халха голой дайнай Илалтын 80 жэлэй ойтой зэргэсэжэ байһанаараа онсолигтой юм.

Айлшалалай үеэр Ородой Холбоото Уласай Юрэнхылэгшэ Владимир Путин Монгол Уласай Юрэнхылэгшэ Халтмагийн Баттулгатай албан ёһоной уулзалта хэжэ, хоёр уласай харилсаа, хамтын ажал хүгжүүлхэ үргэн хүреэнэй асуудалаар һанал бодолоо хэлсэхэ.

Эб найрамдалай ба али олон талын стратегиин тухай Ородой Холбоото Уласай болон Монгол Уласай хоорондын шэнэлэгдэһэн хэлсээндэ хоёр талын гар табилгын ёһолол болохо юм.

Тиихэдэ Ородой Холбоото Уласай, Монгол Уласай Юрэнхылэгшэнэр айлшалалай хүреэндэ Халха голой дайнай Илалтын 80 жэлэй ойдо зорюулһан баяр ёһололдо оролсохо гэжэ МОНЦАМЭ мэдээсэнэ.

Буряад Уласай соёлой яаманай мэдээсэлэй албанай гэрэл зураг