956
Эрдэм мэдэсын үдэртэ зорюулагдаһан хэмжээ ябуулганууд хоёр үдэр үргэлжэлөө. Сентябриин 1-дэ Мухар-Шэбэр, Загарай ба Хойто Байгалай аймагуудта түрүүшын хонхонууд жэнгирээ, бусад аймагуудта ба Улаан-Үдэ хотодо – сентябриин 2-то.
Сентябриин 2-то Соведүүдэй талмай дээрэ “Эрдэм мэдэсын, зохёохы бэлигэй ба тамирай хото” гэһэн хүүгэдэй һайндэр эмхидхэгдээ. Эндэ үхибүүд ГТО тушааха, брэйкданс хатарха, тамирай аюултай зүйлнүүдые туршаха, мүн Бүхэдэлхэйн үбэлэй универсиадын дүрбэ дахин чемпион болоһон Алиса Жамбаловатай танилсаха аргатай байгаа.
Гадна нэмэлтэ болбосоролой эмхинүүдэй ба тамирай эмхи зургаануудай яармаг-үзэсхэлэн заншалта ёһоороо хүдэлжэ, үхибүүд дуратай кружок, секци гү, али студидаа бэшүүлээ. “Кванториум” технопарк, “Созвездие” болон уласай байгаали хамгаалгын һурагшадай түбүүд хабаадалсаа. Эмхи бүхэн мастер-классуудые үнгэргэжэ, хүүгэдэй һонирхол татаа.
Хотын хүүгэдэй ба эдиршүүлэй уран бэлигэй байшанай, Улаан-Үдын гурбан хороогой уран бэлигэй байшануудай зохёохы бүлгэмүүд ажаһуугшадта ба айлшадта дуу хатараа бэлэглээ.
Тиихэдэ “Үхибүү һургуулидань суглуулая” гэһэн нигүүлэсхы сэдьхэлэй хэмжээн эмхидхэгдэжэ, хүшэр байдалда ороһон болон олон хүүгэдтэй айлай үхибүүдтэ туһа хүргэгдөө.
Мүнөө жэл Буряадта 145 мянган һурагша тоологдоно, тэдэнэйнь 16,5 мянганиинь һургуулиин богоһо түрүүшынхиеэ алхаба гэжэ һануулая.
Буряад Уласай болбосоролой болон эрдэм ухаанай яаманай мэдээсэлэй албанай гэрэл зураг
