​​Буряадай болбосоролой эмхинүүдэй жасануудта һайн лэ дураараа мүнгэ оруулжа болохо

Һуралсалай шэнэ жэлэй эхиндэ Буряадай Болбосоролой ба эрдэм ухаанай яаман болон Улаан-Үдэ хотын захиргаанай Болбосоролой талаар хороон һануулна: болбосоролой эмхи түрэлхидһөө туһаламжа эрижэ хандаха эрхэтэй, зүгөөр түрэлхид һайн лэ дураараа мүнгэ оруулха.

Харгалзалгын зүблэлэй мүнгэн зөөри хубиин ба хуулиин эрхэтэ нюурнуудай һайн дуранай хандибуудһаа болон хууляар хоригдоогүй бусад оруулалтануудһаа бүридхэгдэдэг. Мүнгэн эмхи зургаанай бюджедһээ гадуур счёдуудта оруулагдадаг болон харгалзалгын зүблэлэй шиидхэбэриин ёһоор зорилгоороо ашаглагдадаг.

Гадна квартал ба жэл бүхэндэ түрэлхидтэ ороһон мүнгэ гаргашалһан тухай тоосохо хэрэгтэй. Тэрэниие зүбшэн хэлсэлгэ түрэлхидэй суглаануудай үедэ үнгэргэгдэдэг. Харгалзалгын зүблэлэй бүхы шиидхэбэринүүд зүблэлэй гэшүүдэй хамтын суглаан дээрэ абтадаг.

Буряадай Болбосоролой ба эрдэм ухаанай яаманай албан ёһоной сайт дээрэ тус асуудалаар тусхай гаршаг бии гэжэ һануулнабди. Тэндэ бүхы һонирхоһон мэдээсэлээ ба ходо бүри табигдадаг асуудалнуудта харюу абаха аргатайт.