663
Мүнөө ажалгүйгөө гэршэлжэ, гүрэнэй дэмжэлгэдэ хүртэхэнь һураггүй хүнгэн болобо. Ажалаар хангалгын түбтэ анханайхидаал хонходохо болон дансануудаа сахим хаягаар эльгээхэ хэрэггүй. Юуб гэхэдэ, Ородой Холбоото Уласай Ажалай яаман хэдэн тогтоол бэлдэнхэй. Тэдэнэйнь ёһоор ажалаар хангалгын албангуудта байгша оной мартын 1-һээ хандаһан эрхэтэдтэ энэ жэлэй апрелиин 1-һээ июниин 30 болотор хугасаада һарын 14556 түхэригэй тэдхэмжэ үзүүлэгдэхэ юм.
Тус дэмжэлгэдэ хүртэхэ гэбэл, “Работа в России” сайт дээрэ онлайн аргаар мэдүүлгэеэ эльгээхэ хэрэгтэй. Тиигэхын тула “Госуслуги” порталда бүридхэлдэ оронхой байха ёһотойт. Тиихэдээ ажалай дэбтэрэй болон ажалһаа болюулһан тухай дансын буулгабаринуудшье, мүн анхан хүдэлһэн газар болон салингай хэмжээн тухай мэдээнүүдшье хэрэггүй. Хэрбээ ажалгүй хүнэй мэдүүлгын ороһон үдэрһөө 11-дэхи үдэртэ ажалтай болоодүй байгаа һаань, тус дэмжэлгын мүнгэн түлэгдэхэ болоно.
Гадна ажалгүй зоной хуулиин наһа хүсөөгүй үхибүүн бүхэндэ апрелиин 1-һээ июниин 30 болотор хугасаада һарын 3 мянган түхэригэй тэдхэмжэ үзүүлэгдэхэ.
