380
Буряад уласай дэбисхэртэ коронавирус үбшэнэй дэлгэрхэдэ, үбшэнтэндэ эмнэлгын туhа хүргэхэ, эмнэлгын туhаламжын ажал эмхидхэхэ талаар хубилалтанууд оруулагдаа.
Хоёр долоон хоногой урид уласай инфекционно больницада карантинай гурим абтажа, тэндэ коронавирусаар үбшэлhэн зониие аргалха болоо hэн. Инфекционно бусад үбшэнтэниие хотын 4-дэхи больницада оруулаа. Урда үдэшэ стационарта түрүүшын шэнжэлгээр коронавирус үбшэнтэн наhатай эхэнэр элирүүлэгдээ. Тиимэhээ больница карантинай гуримда оруулагдаа.
- Үсэгэлдэр үдэшэ энэ ушарай удаа больницада хүнүүд оруулагдахаа болихо тухай шиидхэбэри абтаа. ОРВИ үбшэнтэй ороhон эхэнэр, тэрэнь саашадаа пневмонии боложо. Иимэ үбшэнтэндэ коронавирусвй шалгалта хэгдэдэг. Тиигэжэ энэ шэнжэлгээр коронавирус элирүүлэгдээ. Тиимэhээ мүнөөдэрhөө 114 үбшэнтэн, тэдэниие хаража байhан хүнүүдтэеэ, больницын 161 хүдэлмэрилэгшэд карантинда хаагдаба. Үбшэлhэн эхэнэр хүбүүнтэеэ инфекционно больница оруулагдаа, - гэжэ Буряад Уласай элүүрые хамгаалгын сайд Евгения Лудупова хэлэбэ.
Буряад Уласай элүүрые хамгаалгын яаманда Загородная гудамжада инфекционно больница байгуулха тухай шиидхэбэри абтаа. Эндэ уласай онкологическа диспансерэй химиотерапиин таhаг байгаа. Эмнэлгын энэ эмхидэ инфекционно үбшэтэй 70 hуури бии. Мүнөөдэр 18:00эн оруулагдаха. Онкологическа диспансерэй үбшэнтэн эндокринологиин таhагта арга абаха. Энэ объкт нөөсын гэжэ байгаа.
Эмнэлгын бусад эмхинүүдтэ хизаарлагдаhан хэмжээнүүд бэелүүлэгдэhээр. Долоон хоногоор түсэблэгдэhэнэй ёhоор больницада орохо үбшэнтэнэй болзор хойшолуулагдаба. Ажамидаралда аюултай онкологи, зүрхэнэй үбшэнтэй хүнүүдтэ туhаламажа үзүүлэгдэхэ, түргэн дары хэгдэхэ операцинууд хэгдэхэ.
