311
Эдэ ушарнуудаар эпидемидэ эсэргүүсэhэн хэмжээнүүд абтана. Тиихэдэ гэрнүүдтэ, ажалайнь газарнуудта дезинфекции хэгдэнэ. Мүнөө үбшэнтэнтэй харилсаhан 1081 хүн элирүүлэгдэнхэй.
- Оршон байдалаар, үбшэнэй тараhан дүрбэн газар элирүүлэгдээ. Түрүүшын ушартай март hараhаа ажалланабди. Хоёрдхинь – Америкын Холбоото Штадуудhаа уласаймнай ажаhуугша бусаа. Ерэхэдэнь, тогтоолой ёhоор, тэрэниие шэнжэлжэ, үбшэн элирүүлэгдээ. Гурбадахинь Эрхүү хотоhоо – уласаймнай ажаhуугша., тэрэ хүршэ хотодо үбшэнтэнтэй харилсаhан байна. Үшөө нэгэн уласаймнай ажаhуугша Москва хото ошоhон байна, энэ ушараар дүрбэн үбшэнтэн элирүүлэгдээ, - гэжэ Буряад Уластахи Роспотребнадзорой хүтэлбэриин даргын орлогшо Елена Кузьмина хэлэбэ.
Үбшэнтэнтэй харилсаhан хүнүүдэй талаар санитарна эмшэд болон эмнэлгын эмхинүүдэй мэргэжэлтэд үдэр hүнигүй ажал ябуулна. Тэдэнэр хоёр дахин анализ тушаана: түрүүн үбшэнтэнэй элирүүлэгдэхэдэ, хоёрдохинь – арбадахи үдэртэнь.
Уласай инфекционно больницада үбшэнтэнтэй харилсаhан, хари гүрэнүүдhээ ханяаданай хамшагтай бусаhан – дүн хамта 79 хүн эмнэгдэнэ. 31 хүн коронавирусаар үбдэнхэй гэжэ элирүүлэгдээ. Зургаан үнэй байдал хүндэ гэжэ тоологдожо, тэдэнэр реанимацида.
ИВЛ аппарат хэрэглэхэ үбшэнтэн үгы. Дүрбэн хүн кислородоор амилна, - гэжэ элүүрые хамгаалгын сайд Евгения Лудупова тодорхойлбо.
