501
Ородой Холбоото Уласай Юрэнхылэгшэ апрелиин 1-дэ уголовно кодекс болон захиргаанай хули эбдэхэ тухай кодексдо хубилалтануудые оруулха тухай тогтоол абаба. Хуулиин бэелүүлэгдэжэ эхилhэн түрүүшын үдэртэ гурим эбдэгшэдтэ яла тохогдоо.
Буряад уласта hэргылэмжын хэмжээндэ Росгварди болон сагдаанарhаа 56 патруль байгуулагдаа. Тэдэнэр коронавирус үбшэнэй дэлгэрхэгүйн талаар абтаhан хизаарлаhан хэмжээнүүд бэелүүлэгдэнэ гү гэжэ шалгана.
Зарим нютагай засагай байгууламжанууд аяншалагшад, айлшад, амархаа ошоhон хүнүүд, загаhашад, агнуушадые аймагта орохо саг зуурын хорюул абана.
- Хяагта, Түнхэн, Зэдэ, Захаамин аймагуудта гүрэнэй хилэ гаталха газарта дүтэ болгожо, пост болон нарядай шалгаха зам хубилгагдаа. Байгал шадарай, Түнхэн, Хурамхаан болон Кабанск аймагуудта харгы хааха хэмжээнүүд абтана. Мүнөөдэрhөө хуулиин ёhоор хэмжээнүүд абтана. Бүхыдөө гурим эбдэhэн тухай 37 протокол абтаа, - гэжэ Буряад Уластахи дотоодын хэрэгүүдэй сайдай орлогшо Андрей Муравьев хэлэбэ.
Хизаарлаhан хэмжээнүүдэй үедэ ажаhуугшад гэрhээ гарангүй, тон хэрэгтэйдэнь эмнэлгын туhада хандажа, ажалдаа ошохо, магазин ошохо, гэрэй амитадые газа гаргаха, бог шорой хаяхадаал газаа гархыень уряалагданхай.
Коронавирус үбэшэнэй дэлгэрхэ аюултай үедэ хизаарлаhан хэмжээнүүдые эбдэбэл, 15 мянганhаа 40 мянган түхэриг хүрэтэр ялада тохогдохо.
Харюусалгата нюурнууд 50 мянганhаа 150 мянган хүрэтэр, юридическэ нюурнууд 200 мянганhаа 500 мянган түхэриг хүрэтэр яла түлэхэ. Тиихэдэ юридическэ нюурнуудта 30 үдэр хүрэтэр ажалаа ябуулхагүй гэhэн захиргаанай хэмжээн абтаха.
Дүрим эбдэхэдээ, хүндэ гэнэ тохожо, наhа бараа hаань, эрхэтэд 150 мянганhаа 300 мянган түхэриг хүрэтэр, харюусалгата нюурнууд – 300 мянганhаа 500 мянган түхэриг хүрэтэр, юридическэ нюурнууд – 500 мянганhаа 1 сая хүрэтэр гү, али 90 үдэр хүрэтэр ажалаа болюулха хэhээлтэ абтаха.
