373
Буряад Уласай инфекционно больницада 77 хүн эмнэлгэ гарана. Эдэнэр хари гүрэнhөө бусажа, ханяаданай хамшагта хүрэhэн хүнүүд. Үбшэнтэн шэнжэлгэ стационарта орохо ёhотой. Тэдэнэрэй зариманиинь коронавирустай хүнүүдтэй харилсаhан ОРВИ үбшэнтэй.
Мүнөө коронавирусаар халданхай гэжэ уласай 30 хүн элирүүлэгдэнхэй.
- Долоон хүн пневмонитой, табаниинь реанимациин таhагта. Тэдэнэй хоёрта хамараар амилха тоног тохогдонхой, гурбаниинь өөдөө амилна. Үсэгэлдэр нэгэ үбшэнтэниие реанимациhаа гаргаабди. Тэрэл үдэшэ үбшэлhэн эхэнэрэй байдал хүндэдхэжэ, реанимацида оруулаабди. Бэшэ үбшэнтэн аймшагтай бэшэ. Үбшэнтэнүүдэйнгээ байдалаар Анестизиологиин болон реанимотологиин федеральна түбтэй болон Израилиин коронавирус үбшэ аргалха талаар профессортой зүбшөөбди.Манай эмнэжэ байhан арга зүб, саг соогоо хэгдэнэ гэжэ зүбшөөд, хубилалтанууд хэрэггүй, - гэжэ уласай инфекционно больницын ахамад эмшэн Татьяна Сымбелова хэлэбэ.
Коронавирус үбшэнэй байдал хинаха, шалгаха талаар байдалай уласай штабта наhажаал, хүндөөр ябадаг хүнүүдые эмээр хангаха талаар асуудалнууд шиидхэгдээ.
- Волонтёрнуудта бидэ ехэ баяртайбди. Наhажаал зондо туhа хүргэхэ талаар ажал эмхидхэнхэй. Эмүүдээр хангаха талаар Буряад Уласай ажаhуугша бүхэнтэй ажал ябуулнабди, илангаяа хүнгэлэлтэтэйгөөр абадаг хүнүүдтэ. Үсэгэлдэр уласай 186 хүндэ туhа хүргэгдөө, рецептнүүд бэшэгдээ. Волонтёрнууд гэртэнь хүргэнэ. Хоёрдохи долоон хоногоо анагааха ухаанай колледжын оюутад энэ хэрэгтэ оролсоно, - гэжэ Евгения Лудупова нэмэбэ.
Инфекционно больницын ахамад эмшэнэй тэмдэглэhээр, эпидемиин hүжэрхэ саг хэр зэргэ хизаарлалгын хэмжээнүүд бэелүүлэгдэнэб гээшэhээ дулдыдаха:
- Буряад Уласай, Улаан-Үдын хүндэтэ ажаhуугшад, үбшэнтэниие элирүүлхэ, тэдэниие амяараа байрлуулха талаар ажал ойлгохыетнай уряалнабди. Гэрhээ гарангүй байхыетнай уряалнабди. Үсөөн хүн халдаха ха юм. Хүн бүхэнэй харюусалгаар эмшэдшье хүндэ ажалhаа аршалагдаха. Хэр харюусалгатайгаар
