318
Хүүгэдэй һуургуулинуудта ехэ заһабариин ашаар, талмайнь үргэдхэгдэжэ, һурагшадайнь тоо дээшэлхэ
2020 ондо Буряад Уласта Северобайкальск хотодо, Хойто Байгалай аймагай Нижнеангарск тосхондо, Кабанск аймагай Выдрино болон Мухар-Шэбэр аймагай Сагаан-Нуур һууринуудта хүүгэдэй уралигай дүрбэн һургуули заһабарилагдаха.
Буряад Уласай соёлой яаманда тэмдэглэһээр, хүүгэдэй һуургуулинуудта ехэ заһабари ашаар, талмайнь үргэдхэгдэжэ, һурагшадайнь тоо 20%-ээр дээшэлхэ
- Улас дотор һурагшадай тоо жэл бүри дээшэлнэ, тиимэһээ хүүгэдэй уралигай һургуулинууд тон хэрэгтэй. 9624 үхибүүдтэ 775 багша заана. Хүүгэдэй уралигай һургуулинуудта һураха дуратайшуул олон, теэд бага талмай болон багшанарай дутагдалһаа һураха хүсэлтэйшүүл һанаһанаа бэелүүлнэгүй. Хүүгэдэй уралигай һургуулинуудай асуудалнууд олон, бүхы эмхинүүд өөрын байшангүй. Мүнөө тэдэнэр 66 байшан эзэлнэ, 14-дэнь ехэ заһабари хэрэгтэй. Тиихэдэ шэнжэлгын ёһоор, хүүгэдэй уралигай һургуулинуудта хүгжэмэй зэмсэгүүд дуталдана, - гэжэ Буряад Уласай соёлой сайд Соелма Дагаева тэмдэглэбэ.
Буряад Уласта хүүгэдэй уралигай 46 һургуули хүдэлнэ, тэдэнэр 33 таһагтай. Тэдэнэй хоёрынь – уралигай колледжын болон Циркын һургуулиин дэргэдэхинүүд – уласай, бэшэ һургуулинууд – аймагуудай.
Хүүгэдэй уралигай дүрбэн һургуули заһабарилга 50,1 сая түхэригэй, энэ мүнгэн «Ородой Холбоото Улас дотор болбосорол хүгжөөлгэ» гэһэн программын хэмжээндэ шэглүүлэгдэхэ. 2021 ондо хүүгэдэй уралигай үшөө зургаан һургуули заһабарилагдаха. 2020, 2022, 2024 онуудта уралигай найман һургуули 44,6 сая түхэригтэ хүгжэмэй зэмсэгүүдээр хангагдаха.
Үнгэрһэн жэлдэ «Соёл» гэһэн үндэһэн түсэлэй хэмжээндэ Буряад уласай 11 аймагуудта 26 пианино абтаа гэжэ һануулнабди. Алас Дурнын тэдхэмжын хэмжээндэ Гусиноозерск болон Северобайкальск хотонуудта хүүгэдэй уралигай һургуулинууд заһабарилагдаа, Д. Аюшеевэй нэрэмжэтэ хүгжэмэй-гуманитарна лицей һэльбэн шэнэлэгдэжэ эхилээ.
Ородой Холбоото Уласай Юрэнхылэгшын 2012 оной майн 7-ой 599-дэхи «Болбосоролой болон эрдэм ухаанай һалбарида гүрэнэй бодолго бэелүүлхэ хэмжээнүүд тухай» гэһэн 2020 ондо 5-һаа 18 хүрэтэр наһанай үхибүүдэй 75% нэмэлтэ һуралсалда ябаха аргатай байха ёһотой.
