258
Хотодо эмхидхэгдэхэ 750-һаа дээшэ болон аймагуудта 250-һаа дээшэ хүнүүдэй хабаадалгатай хэмжээ ябуулганууд хоригдобо. Дэлхэйдэ коронавирусна үбшэнэй тогтожо, һүжэрхэеэ болитор хизаарлалтын хэмжээнүүд абтаа.
Иимэ шиидхэбэри мүнөөдэр, мартын 16-да Буряад Уласай Толгойлогшо Алексей Цыденовэй хүтэлбэри доро үнгэргэгдэһэн Буряад Уласай дэбисхэртэ коронавирус үбшэнэй һүжэрхэ, дэлгэрхые һэргылхэ талаар Уласай оперативна штабай суглаанда абтаба.
- Эпидемиологиин аюулгүй байдал хангаха талаар Буряад Уласта хэмжээнүүд бэелүүлэгдэнэ. Уласай дэбисхэртэ үбшэнэй дэлгэрхэгүйн тула бүхы албангууд эршэтэйгээр ажаллахаар бэлэн. Ородой Холбоото Уласай гүрэнэй хилын Буряадтахи талын орохо, гарахын пунктнуудта 22 мянган шахуу эрхэтэдые шалгаа. Үбшэндэ нэрбэгдэһэн хүнүүд элирүүлэгдээгүй. Мүнөө инфекционно стационарта 10 хүн, эдэ Солонгосһоо, болон хоёр хүн Хитадһаа ерэһэн. Тэдэнһээ гадна 146 хүн эмнэлгын харууһан доро. Ханяаһан, үбшэлһэн хүнүүд анализ тушаажа, коронавирустай хүн үгы. Үбшэнэй дэлгэрһэн гүрэнүүдһээ ерэһэн хүнүүд 14 үдэрэй туршада эмшэдэй харууһан доро байна. Тиихэдэ ОРВИ үбшэнэй һэжэг түрэбэл, тэдэнэр эмнэлгын газарта заатагүй абаашагдажа, 14 үдэрэй туршада тэндэ байха юм, - гэжэ Буряад уластахи ахамад санитарна врач Сергей Ханхареев хэлэбэ.
Коронавирусна үбшэндэ (2019-nCoV) нэрбэгдэһэн гүрэнүүдһээ хүнүүдэй бусахада, бүхэли сүүдхын туршада хандаха «сэхэ утаһан» эмхидхэгдэнхэй. Тэрэнэй зорилго хадаа, Ород гүрэн бусаһан хүнүүдые элирүүлхэ, тэдэнэр 14 үдэрэй туршада гэрһээ гарангүй, тиихэдэ ажаһуудаг газарайнгаа поликлиникэдэ хандажа, үбшэлһэн тухай ажалдаа харуулха больнична хуудаһан абаха тухай ойлгууламжын ажал болоно.
- Түргэн дары эмнэлгын туһаламжын кабинедүүдэй ажал гуримшуулагдаа, юундэб гэхэдэ, ханяаһан зарим зон эмшэдтэ хандаһаар. Поликлиникэнүүдтэ ажаһуугшадые эмнэлгын эмхи ерэнгүй, эмшэдэй туһа абаха талаар мэдээсэгдэнэ, - гэжэ Буряад Уласай элүүрые хамгаалгын сайд Евгения Лудупова хэлэбэ.
Коронавирусна үбшэнтэниие элирүүлхэ, шэнжэлхэ талаар үбшэлһэн хүнүүд нэмэгдээ: больницада эмнэгдэжэ байһан бэшэ пневмони үбшэнтэн шалгагдаха.
Пневмони үбшэнтэниие ондоо хүнүүдтэй уулзуулангүй байхаар, мартын 18-һаа Солнечная гудамжада оршодог уласай перинатальна түбэй гинекологическа стационарта оруулагдаха.
Эмшэдые бэлдэхэ талаар эмнэлгын эмхинүүдтэ 6435 эмшэдэй хабаадалгатай 45 семинар үнгэргэгдөө.
Анна Огороднигой гэрэл зураг
