270
«Мои Документы» гэһэн түбэй һужаада уласай 25 филиалда 570 таһагууд бии. 400-һаа дээшэ мэргэжэлтэд 200-һаа дээшэ олон янзын туһаламжа үзүүлдэг.
Олон үүргэтэ түбэй мэргэжэлтэд дансануудые абажа, гүрэнэй болон муниципальна туһаламжа үзүүлхэ талаар асуудалнуудта харюусадаг юм. Иимэ ажалай ашаар, хандагшадай сагшье, мүнгэншье алмагдана. Тиимэһээ олон үүргэтэ түбүүд олоной дунда мэдээжэ болоно.
Олон үүргэтэ түбүүдтэ һуралсалай тусхай системэтэй, ажалда ороһон хүнүүд һуралсал гарадаг. Засаг зургаанай түлөөлэгшэд олон үүргэтэй түбүүдэй хүдэлмэрилэгшэдтэ лекцинүүдые үнгэргэдэг.
- Олон үүргэтэ түбтэ хүдэлхэдөө, һая дээдэ һургуули дүүргэһэн залуушуул һайн бэлэдхэл абана, тэдэнэр, эрдэм мэдэсэеэ үргэдхэжэ, дүй дүршэлтэй болоно. Тэрэнь саашанхи ажабайдалдань хэрэгтэйшье болохо. Олон үүргэтэй түб хүдэлмэрилэгшэдтөө салин түлэжэ, ниигэмэй даадхалаар хангажа, мэргэжэлээ дээшэлүүлхэ, ургаха талаар арга боломжонуудые олгоно. «Мои Документы» гэһэн түб хадаа ганса гүрэнэй туһаламжа бэшэ, нэн түрүүн хүнүүд болоно. Олон үүргэтэй түбэй хүдэлмэрилэгшэд эбтэй, эетэй хүдэлдэг, - гэжэ олон үүргэтэй түбтэ тэмдэглэбэ.
Гараһан асуудалнуудаар Улаан-Үдэ хотын Ключевская, 76а, гэһэн хаягаар ажалай таһагта 103-дахи каб. гү, али 8(3012)287290, 8(3012)337777 гэһэн утаһаар хандажа болоно.
