​Буряад Уласта Алдар Цыденжаповай нэрэмжэтэ медаль байгуулагдахань

Буряад Уласта Алдар Цыденжаповай нэрэмжэтэ медаль байгуулагдахань. Энээн тухай Буряад Уласай Засагай газарай Түрүүлэгшын орлогшо Баир Цыренов мэдүүлбэ. Тэрэнэй хэлэһээр, Россиин Герой Алдар Цыденжаповай аба эжынь Буряадай олониитын, Спортын яаманай болон Арадай Хуралай гэшүүдэй энэ үүсхэлдэ зүбшөөлөө үгөө.

- Засагай газарай ээлжээтэ хуралдаанай үедэ «Буряад Уласта гүрэнэй шагнал тухай» гэһэн хуулида һэлгэлтэ оруулагдаһан байна. Хуралай һунгамалнууд, Спортын болон залуушуулай бодолгын талаар яаманай, мүн олониитын эмхинүүдэй талаһаа Алдар Цыденжаповай нэрэмжэтэ медаль байгуулха үүсхэл гараһан юм. Тэрэ Буряад Уласта тоонтотой бэшэшье һаань, манай эндэ тэрэниие ехэ хүндэлдэг, - гэжэ Буряадай Толгойлогшын болон Засагай газарай Захиргаанай хүтэлбэрилэгшэ Баир Цыренов дуулгана.

Ерэхэ һарада үнгэргэгдэхэ Арадай Хуралай зүблөөн дээрэ энэ асуудал шиидхэгдэхэ. Тэрэнэй һүүлдэ хүн зоной ами наһа абарһан гү, али баатаршалга гаргаһан улад зондо Алдар Цыденжаповай нэрэмжэтэ медаль барюулагдадаг болохо юм ха.

Мүнөө дээрэ гансал нэгэ хэһэгынь оршуулагдаад байна, һаяын сагта үшөө 14 хэһэг оршуулагдаха. «Орожо харыт, хүүгэдээ буряад хэлэндэ һургыт», - гэжэ тэдэ уряална.

Анна Огороднигой гэрэл зураг