1230
«Лица Победы» гэһэн түсэлдэ Эсэгэ ороноо хамгаалгын Агууехэ дайнай геройнуудай 150 сая гэрэл зурагууд болон дансанууд оруулагданхай. Энэ сэнтэй дансанууд Москва хотын Илалтын түб музейдэ хадагалаатай.
Хүн түрэлтэнэй түүхэдэ Эсэгэ ороноо хамгаалгын Агууехэ дайнда хадаа эгээл олон хүнүүд ами наһантаяа хахасаһан гэжэ мэдээжэ. Агууехэ Илалтын түлөө манай үбгэ эсэгэнэр ами наһаяа гамнангүй дайлалдаа. Энэ шуһата байлдаанда Советскэ Союзай - 12 сая сэрэгшэд, ажаһуугшадтаяа хамта 26,6 сая хүн наһа бараа.
Эрэлхэг баатарнуудайнгаа, үбгэ эсэгэнэрэйнгээ нэрыень мүнхэлжэ, «Лица Победы» гэһэн түсэлдэ хабаадахыень Буряадай ажаһуугшадые уряална. Эдэ дансанууд Илалтын музейдэ хадаглагдаха.
Тиихэдэ мэдээсэлнүүдээ сайт (https://historydepositarium.ru/participants/) гээшэдэ орожо; «Лица Победы» гэһэн мобильно приложенидэ бэшэжэ; 121170, г. Москва, ул. Братьев Фонченко, д.10. Музей Победы гэһэн хаягаар бэшэг эльгээжэ гү, али музей Москва хото, метро Парк Победы, Площадь Победы, 3 гэһэн хаягаар асаржа үгэхэдэ болоно.
Дэмбэрэлтэ энэ хэрэгтэ Агуу Илалта шэрээлсэһэн хүн бүхэнэй нэрэ мүнхэлэгдэхэ. Дайнда ябаһан гү, али ара талын хүдэлмэринүүдтэ хүдэлһэн хүнүүдэй нэрэ, обог хэтэ мүнхэдөө сахигдан, элинсэг хулинсагтамнай дамжуулагдаха.
«Лица Победы» гэһэн сайтһаа скрин хэгдээ
