1268
Уласай патриотическа хүмүүжүүлгын, аяншалгын болон спортын түбтэ үхибүүдтэй хүдэлдэг хизаар ороноо шэнжэлэгшэд болон һургуулинуудай музейнүүдэй хүтэлбэрилэгшэдэй хабаадалгатай семинар үнгэргэгдөө.
Хэмжээ ябуулгада хабаадагшад һурагшадай хизаар ороноо шэнжэлхэ талаар мүнөө үеын музейнүүдые байгуулха гэһэн шухала асуудалнуудаар хэлсэһэн байна. Тиихэдэ 2020 оной ажалай түсэб зүбшэжэ, хизаар ороноо шэнжэлгээр һуралсалай-методическа программануудтай танилсаа. Семинарай түгэсхэлдэ «Анимационный метод в деятельности музея» гэһэн мастер-класс эмхидхэгдээ.
Тус хэмжээ ябуулгада һургуулинуудта хизаар ороноо шэнжэлэлгын ажал хинадаг болбосоролой хүтэлбэриин мэргэжэлтэд, хизаар ороноо шэнжэлэлгын нэгэдэлнүүдэй, музейнүүдэй хүтэлбэрилэгшэд, нэмэлтэ болон юрэнхы болбосоролой багшанар уригдаһан байна гээд тэмдэглэлтэй.
Буряад Уласай болбосоролой болон эрдэм ухаанай мэдээсэлэй яаманай гэрэл зураг
