721
Нээмэл тэнгэри гэһэн уласхоорондын хэлсээнэй ёһоор, Канадын ВВС C-130J Hercules самолёдоор Америкын Холбоото Штадууд болон КАнадын сэрэгэй инспекторнууд январиин 27-до Улаан-Үдэдэ буугаа. Тэдэнэр Ород гүрэнэй дэбисхэр дээгүүр шалган ниидэхэ гэжэ Интерфакс дуулгана.
Ородой Холбоото Уласай Баталын хамгаалгын яаманда тэмдэглэһэнэй ёһоор, январиин 27-һоо февралиин 1 болотор США болон Канадын сэрэгшэд Ород гүрэнэй дэбисхэр дээгүүр шалгалтануудые үнгэргэхэ.
- Эдэ гүрэнүүдэй сэрэгшэд Канадын шалгалта үнгэргэлгын C-13OJ самолёдоор Ородой Холбоото Уласай дэбисхэр дээгүүр шалган ниидэхэ. Энэ самолёт болон шалгалта үнгэргэлгын тусхай хэрэгсэлнүүд – аэрофотоаппарадууд уласхоорондын үнэмшэлгэтэй. Тэрэнэй ёһоор, шалгалта үнгэргэлгын хэрэгсэлнүүдһээ бусад тоног хэрэгсэл, буу зэбсэг байха ёһогүй, - гэжэ ядерна аюул баг болгохо талаар үндэһэн түбэй дарга Сергей Рыжков хэлэбэ.
Тобшо мэдээн:
Нээмэл тэнгэриин талаар уласхоорондын хэлсээ 1992 оной мартын 24-дэ ОБСЕ эмхиин гэшүүд – 23 гүрэнүүд баталһан байна. Ородой Холбоото Уласта энэ данса 2001 оной май һарада хууляар баталагдаа. Тус хэлсээнэй ёһоор, хэлсээ баталагшад сэрэгэй ажал шалгажа, ниидэхэ аргатай.
pixabay.com сайтһаа гэрэл зураг абтаба
