1024
Байгша оной январиин 27-һоо мартын 20 болотор «Байгалай загаһашалалгада» хабаадаха дуратайшуул мэүүлгэнүүдые оруулжа эхилбэ. Тус хэмжээ ябуулга мартын 27-28-най үдэрнүүдтэ Буряад Уласай Байгал шадарай Турка һууринда «Байкальская Гавань» гэһэн газарта Байгалда үнгэргэгдэхэ.
- Тус фестиваль загаһашад, Буряад Уласай ажаһуугшад болон айлшадта һайхашаагданхай. Энэ хэмжээ ябуулга, үнэхөөрөө, манай уласые дэлхэйдэ танюулна гэхэдэ, алдуу болохогүй. Аяар 2005 ондо эхилһэн хэмжээ ябуулга жэл бүри үнгэргэгдэнэ. Тиихэдэ 350 загаһашад суглараа һэн. 2019 ондо XV-дахияа үнгэргэгдэһэн хэмжээ ябуулгада 1400 хүн хабаадажа, Ородой Холбоото Уласай туйлалта болоо һэн. Загаһашад, тоног хэрэгсэлээ бэлдэжэ, хабаадагты, - гэжэ «Байгалай загаһашалалгын» байгуулагша, эмхидхэгшэ Вадим Бредний уряална.
Хэмжээ ябуулгын тусхай айлшаар Ородой Холбоото Уласай зүжэгшэн Дмитрий Дюжев буухэ гэжэ дуулганабди.
Хэмжээ ябуулгада хабаадаха тухай мэдүүлгэ Улаан-Үдын Смолинай 18-дахи байшанда оршодог «Главрыбвод» гэһэн эмхидэ оруулха хэрэгтэй. 21-21-89, 8 950 397 21 62, 8 924 355 77 70 гэһэн утаһануудаар мэдээсэл абажа болоно.
Анна Огороднигой гэрэл зураг
