850
Ивалгын дасанай ехэ һургуулида декабриин 21-дэ 33-дахияа үнгэрһэн “Эхэ хэлэн-манай баялиг” наадамай хэмжээн соо “Хониной нооһоор урлал яажа бүтээхэб?” гэһэн сэдэбээр богонихон һуралсал үнгэрөө.
Түнхэнэй хүүгэдэй нэмэлтэ һуралсалай түбэй багша Долгорма Дашиевна Таряшинова мастер-класс харуулаа. Шэнэ жэлээ угтуулан, гарай бэлэг бэлдэхэ, уран аргаяа хүгжөөхэ дуратай үхибүүд энэ хэмжээндэ ехэ дуратайгаар оролсоо.
Гадна энэ наадамай онсо илгаань юун байгааб гэхэдэ, үхибүүд буряад бүжэг бүжэглэжэ урилдаа. Тиихэдээ жэнхэни буряад хүнэй хүдэлсэ, абари зан бодотоор харуулха даабари үхибүүдтэ үгтэһэн байна.
