​​Буряадай Сэлэнгэ аймагта “Табан хушуун малда”хүртүүлээ

Ноёхоной сомон дарга Цыренжап Болхоев

Жэлэй дүнгүүдээр эрхимлэһэн хүдөө ажахын хүдэлмэрилэгшэдэ табан хушуун малай дүрэ хүрэг һүүлэй табан жэлэй туршада Сэлэнгэ аймагта барюулагдадаг болонхой. Энэшье удаа аймагай Захиргаан тэмээнэй статуэткэнүүдые барюулаа. Урда жэлнүүдтэ мориной, үхэрэй, хониной болон ямаанай дүрэ хүрэгүүд үгтэһэн юм.

Энэ хэмжээ ябуулгада Буряад Уласай Хүдөө ажахын болон эдеэ хоо- лой яаманай хорооной түрүүлэгшэ Далай Галсанов, мүн Арадай Хура­лай һунгамал Солбон Дашинимаев оролсоһон байна. Түрүү һаалишанда, үмсын ажал ябуулагшада, огоро­дой эдеэ ургуулагшада, ажахы хүтэлбэрилэгшэдэ, эдеэ хоол буйлуул­гын үйлэдбэри ударидагшада, хүдөө ажахын мэргэжэлтэндэ, мал ажал ябуулагшада тэмээнэй дүрэ хүрэг ай­магай засаг дарга Станислав Гармаев барюулһан байна.

Табан жэлэй туршада табан ху­шуу малай бүхы дүрэ хүрэгүүдтэ хүртэһэн Сэлэндүүмын Петр Анато­льевич ба Марина Дмитриевна Аку­ловтанай бүлэ 60 мянга түхэригэй сертификат абаба.

Аймагай Захиргаанай Хэблэлэй албан

Наталья Китаевагай гэрэл зураг