921
Байгша оной декабриин 16-һаа 26 болотор Буряад Уласай Толгойлогшо Алексей Цыденовэй харгалзалга доро онкогематологическа болон бусад хүндэ үбшэндэ нэрбэгдэһэн үхибүүдтэ мүнгэн туһаламжа хүргэхэ талаар буян үйлэдэлгын акци эмхидхэгдэнэ. Тус хэмжээ ябуулгада Буряад уласай засаг зургаанууд, олзын хэрэг эрхилэгшэд хабаадана.
Хабдарта үбшэндэ нэрбэгдэһэн үхибүүд дары түргэн эмнэлгын түбүүдтэ ошожо, аргалуулха зорилготой хэмжээ ябуулга эмхидхэгдэнэ.
Буряад уласта онкологиин үбшэндэ нэрбэгдэхэ ушар олошорно. 2014 ондо хүндөөр үбшэлһэн 165 үхибүүн байгаа һаа, 2018 ондо 251 үхибүүн үбдэһэн байна. Онкологиин үбшэндэ нэрбэгдээ гэжэ түрүүшын шэнжэлэл хэгдэһэнэй дүнгүүдээр, энэ тоо 20-һөө 41 хүрэтэр дээшэлээ.
Улас доторнай хүндөөр үбшэлһэн үхибүүдтэ «ПУСТЬ ВСЕГДА БУДУ Я!» гэһэн буян үйлэдэлгын жаса туһа хүргэнэ. Энэ жаса юһэн жэлэй саана үбшэлһэн үхибүүдэй эжынэр байгуулһан юм.
Энэ туршада ажалаа эрхилжэ ябаһан жаса 19,7 сая түхэриг үбшэлһэн үхибүүтэй гэр бүлэнүүдтэ дамжуулаа. Тиихэдэ тэдэнэр ниигэмэй түсэлнүүдые бэелүүлжэ, хүнүүдэй, эмхинүүдэй дэмжэлгээр энэ буянта хэрэг ябуулна.
Мүнөөшье буян үйлэдэлгын жасын түлөөлэгшэд ниигүүлэсхы сэдьхэлэй хэмжээ ябуулгада хабаадахыень уласайнгаа ажаһуугшадые уряална.
Буряад Уласай ниигэмэй хамгаалгын яаманай мэдээсэлэй албанай гэрэл зураг
