859
Шэнэ жэл угтуулан, Буряад Уласай ниигэмэй хамгаалгын яаман «Экос» гэһэн Хэблэлэй байшантай хамта жэл бүриин «Стань Дедом Морозом!» гэһэн хэмжээ ябуулга декабриин 2-һоо эмхидхэнэ .
Тус акцида хабаадаха дуратайшуул худалдаа-наймаанай дэлгүүрнүүдтэ бэлэгүүдые абажа, амаршалгануудые бэшэжэ, худалдаа-наймаанай «Форум» түбтэ табигдаһан хасуури доро табиха аргатай. Саашадаа эдэ бэлэгүүд үншэн үхибүүдтэ, түрэлхидэй харууһагүй үлэһэн үхибүүдтэ, эрэмдэг бэетэй хүүгэдтэ дамжуулагдаха.
Буян үйлэдэлгын хэмжээ ябуулгада Буряад Уласай ниигэмэй хамгаалгын сайд Татьяна Быкова, «Форум» түбэй хүтэлбэрилэгшэ Виталий Аникин хабаадалсаа.
2015 онһоо хойшо үнгэргэгдэдэг энэ хэмжээ ябуулга үншэн үхибүүдэй асуудалда олониитын анхарал хандуулха зорилготой эмхидхэгдэнэ. Байгша оной хэмжээ ябуулга декабриин 2-һоо 29 болотор үнгэргэгдэхэ.
Буряад Уласай ажаһуугшадые энэ хэмжээ ябуулгада хабаадахыень уряалнабди.
Анна Огороднигой гэрэл зураг
.
