647
2020 ондо англи хэлээр ЕГЭ тушаалгада бэлэдхэлэй талаар ноябриин 30-ай, декабриин 1-эй үдэрнүүдтэ Буряадай болбосоролой бодолгын институдта англи хэлэнэй багшанарай семинар эмхидхэгдээ.
Англи хэлээр ЕГЭ тушаалгын дүнгүүдээр, хотын һурагшад хүдөөгэйхидэ орходоо, дунда зэргэһээ ехэ баллнуудые абана гэжэ шэнжэлэгдээ. Байгша ондо хотын һургуулинуудай һурагшад дунда зэргын 65,79 балл абаһан һаань, хүдөөгэй һурагшад 56,08 балл абаһан байна. Тиигэбэшье 2019 ондо гүрэнэй шалгалтын дүнгүүд урда хоёр жэлнүүдтэ орходоо, дээшэлһэн байна гээд тэмдэглэлтэй. Һайшаалтайнь гэхэдэ, һүүлэй хоёр жэлдэ хари хэлээр шалгалта тушаагшадай тоо олошороо.
Һурагшад һуралсалай үедэ хари хэлээр ямар асуулдалнуудта ядалданаб гэжэ уласай болбосоролой эмхинүүдтэ тестировани үнгэргэхэ гэжэ түсэблэгдэнхэй.
Багшанарай семинарта «Sky Education Schoоl» гэһэн болбсоролой программын мэргэжэлтэд Ваулис Наталья, Гизатуллина Рада гэгшэд хэшээлнүүдые үнгэргэһэн байна. Эдэнэр ОГЭ, ЕГЭ-дэ яагаад бэлдхэл ябуулхаб, грамматика болон лексикээр шалгалтын тестнүүд, һонирхолтой аудиотекстнүүд, видеоролигууд гэхэ мэтые харуулаа.
Тиихэдэ хари хэлэнэй мүнөө үеын болбосоролой асуудалнуудаар хэлсэһэн байна. Багшанар мастер-классудта хабаадаа.
Буряад Уласай болбосоролой болон эрдэм ухаанай яаманай мэдээсэлэй албанай гэрэл зураг
