1013
Буряад уласай багшанарай колледждо буряад хэлэн ба уран зохёолой багшанарай уласай мүрысөөн ноябриин 27-29-нэй үдэрнүүдтэ эмхидхэгдэхэ.
Гурбан үдэрэй туршада уласай аймагуудай болон Улаан-Үдэ хотын һургуулинуудай буряад хэлэнэй 22 багша дүрбэн шатада мүрысэхэ. Тэдэнэр нээмэл хэшээлнүүдые, классһаа гадуур хэмжээ ябуулгануудые үнгэргэжэ, мастер-классуудта хабаадажа, болбосоролой болон эрдэм ухаанай сайдтай уулзаха юм.
Буряад хэлэнэй эрхим багшанарые элирүүлжэ, тэдэнэй дүй дүршэлөөр хубаалдаха, дэмжэхэ, урмашуулха зорилготой хэмжээ ябуулга эмхидхэгдэнэ.
Ноябриин 27-до мүрысөөнэй нээлгын баяр ёһолол үнгэргэгдэжэ, хэмжээ ябуулга гурбан үдэрэй туршада Буряад уласай багшанарай колледждо, Үндэһэтэнэй 1-дэхи лицей-интернадта, 29-дахи гимназида үнгэрхэ юм.
Анна ОГОРОДНИГОЙ гэрэл зураг
