1366
Байгша оной ноябриин 22-25-най үдэрнүүдтэ Буряад уласта анха түрүүшынхиеэ арһа элдэлгээр мүрысөөн эмхидхэгдэнэ. Уласай чемпионат хоёр шэглэлээр үнгэрхэ: арһа элдэлгээр болон хониной арһаар үндэһэн хубсаһа оёхо юм.
Мүрысөөн-үзэсхэлэндэ Буряад Уласай аймагуудай, Улаан-Үдын, Шэнэхээн нютаг зоной эблэлэй түлөөлэгшэд – дүн хамта 13 уран гартан хабаадана. Хабаадагша бүхэн үзэсхэлэндэ элдэһэн арбан арһа дэлгээхэ ёһотой. Тиихэдэ арһан хэр сэбэр бэ, хатуу гэхэ мэтэ талануудаар сэгнэгдэхэ.
Арһа элдэлгээр мүрысөөнэй шшүүгшэдэй түрүүлэгшэ - XXIV Бандида Хамба лама Дамба Аюшеев. Шүүгшэдэй тоодо Сэлэнгэ аймагай засаг дарга Станислав Дашиевич Гармаев; Зүүн Сибириин гүрэнэй технологическа ехэ һургуулиин багша, технологическа эрдэмэй доктор Вера Дашиевна Раднаева; Буряад уласай Үндэһэн музейн ахалагша мэргэжэлтэн Любовь Филипповна Левитина; Зүүн Сибириин гүрэнэй технологическа ехэ һургуулиин багша, технологическа эрдэмэй кандидат Галина Дмитриевна Васильева; модельер-дизайнер, «Fashion Room» мастерскойн хүтэлбэрилэгшэ Игорь Вячеславович Сарапулов гэгшэд оронхой.
Ородой Холбоото Уласай Буддын шажанай заншалта Сангха, Буряад уласай уран бүтээлэй түб болон уласай Үндэһэн музей хэмжээ ябуулга эмхидхэнэ.
Буряад Уласай соёлой яаманай мэдээсэлэй албанай гэрэл зураг
