566
Хүнэй эрхэнүүдэй уласхоорондын үдэрэй урдахана, декабриин 10-да, уласай болбосоролой эмхинүүдтэ Хүнэй эрхэнүүдэй ниитэ нэгэн хэшээл үнгэргэгдэхэ. Энэ хадаа гүрэнэймнай залуу эрхэтэдтэ эрхэ хуулиин соёл бүрилдүүлхэ зорилготой хэдэн хэмжээ ябуулга юм.
2018 ондо Россин бүхы болбосоролой эмхинүүдтэ хоёрдохиёо иимэ хэшээл эмхидхэгдээ һэн. Тиихэдээ Ородой Холбоото Уласай Үндэһэн хуулиин 25 жэлдэ, Хүнэй эрхэнүүдэй бүгэдэ ниитын тунхаглалай 70 жэлэй ойдо зорюулагдаһан юм.
2017 онойхидол адляар мүнөө энэ түсэлые гүрэнэймнай бүхы можо нютагуудта хүнэй эрхэнүүдэй талаар бүрин этигэмжэтэд эдэбхитэйгээр дэмжээ: тэдэ 1676 хэмжээ ябуулга үнгэргэжэ, 222 мянга гаран һурагшадые хабаадуулаа. Эдэ жэлнүүдтэ дүн хамта 8 сая гаран хүүгэд “Хүнэй эрхэнүүд” гэһэн ниитэ нэгэн хэшээлэй хэмжээндэ үнгэргэгдэһэн хэмжээ ябуулгануудта хабаадаа.
Энэ хэрэг Ородой Холбоото Уласта Хүнэй эрхэнүүдэй талаар бүрин этигэмжэтэ Т.Н.Москальникова Федерациин Зүблэлэй Саг зуурын комиссиин, гүрэнэймнай 85 можо нютагта хүнэй эрхэнүүдэй талаар бүрин этигэмжэтэдэй болон Ородой Холбоото Уласай Гэгээрэлэй яаманай дэмжэлгээр үүсхээ.
Уласта хүнэй эрхэнүүдээр ниитэ нэгэн хэшээл үнгэргэхэ онол аргануудай зууршалгатай Буряад Уласай Болбосоролой болон эрдэм ухаанай яаманай сайт дээрэ танилсахада болоно.
Буряад Уласай Болбосоролой болон эрдэм ухаанай яаманай мэдээсэлэй албанай гэрэл зураг
