​​Наһатайшуул дахинаа оюутад болоно

2019 оной эхинһээ Хүн зониие ажала­ар хангалгын албан гүрэнэй тэд­хэмжэдэ гарахаяа ойртоһон зониие шэнэ мэр­гэжэлдэ һургаха хэрэгые эмхидхэнэ. Жэлэй эхинһээ Буряадай 387 наһатайшуул һуралсал гарана.

Зарим зон мэргэжэлээ дээшэлүүлээ. Нүгөө за­риман шэнэ мэргэжэлдэ һурана. Тиихэдээ мүнөө сагай эрилтэнүүдтэ таараха мэргэжэл шэлэнэ. Мүнөө 275 хүн шэнэ мэргэжэлээрээ ажаллажа эхилээ.

Гүрэнэй тэдхэмжэдэ гарахань табан жэл үлэһэн ажалшадшье, ажал бэдэрэгшэдшье түлбэригүйгөөр һураха аргатай. Тэдэ өөһэдөө хан­дажа гү, али ажалда абаха ажахынуудшье хандаха юм. Һуралсал элдэб аргаар гаража болохо – очно­ор, ажалтай хүнүүд заочноор болон мүнөө сагай­хяар – дистанционно аргаар.

Һуралсалай болзор ямар мэргэжэлнүүдтэ һурахаһаа дулдыдаха. Эгээл богонинь – 16 саг. За­рим мэргэжэлдэ гурбан һарын хугасаада һурана. Ажалгүй оюутад 13 мянгаһаа үлүү оюутанай са­лин абадаг.

Энэ түсэлдэ хабаадаха гэбэл, дүтын Хүн зониие ажалаар хангалгын албанда хандаха хэрэгтэй. 8 (3012) 41-70-41 утаһаар хонходожо, бүхы асуудал­нуудтаа дэлгэрэнгы харюу абаха аргатайт.

Жэл бүхэндэ гүрэнэй “Демография” түсэлөөр Буряад Уласта 25 сая түхэриг гаргашалагдажа бай­хаар хараалагданхай. Тэрэнэй 23 сая 600 мянган түхэриг Федеральна һан жасаһаа шэглүүлэгдэжэ байха. Энэ түсэлөөр 2024 оной дүүрэтэр жэл бүхэндэ 300 хүн һураха.

Буряад Уласай Ниигэмэй хамгаалгын яаманай мэдээсэлээр Сэнгэ РИНЧИНОВ бэлдэбэ